وجئے واڑا اُتسو میں نیا کمال: روبوٹ شیف ’نالا‘ نے سب کو حیران کر دیا

وجئے واڑا اُتسو میں اس بار کچھ نیا اور حیران کن دیکھنے کو ملا۔ آرٹیفیشل انٹیلیجنس پر مبنی روبوٹک شیف "نالا” نے اپنی شاندار کوکنگ سے سب کو متاثر کر دیا۔ روایتی طور پر کہا جاتا ہے کہ کھانا بنانے کا مزہ اپنے ہاتھ سے ہے، لیکن اب یہ کام جدید روبوٹ ہاتھ بھی کر رہا ہے۔

یہ منفرد ایجاد نالا روبوٹکس کے تحت صنعتکار انیل سنکارا کی قیادت میں تیار کی گئی ہے۔ روبوٹک شیف نہ صرف تیزی اور صفائی کے ساتھ کھانا پکاتا ہے بلکہ ذائقہ اور معیار میں بھی اعلیٰ ہے۔

منتظمین کا کہنا ہے کہ یہ روبوٹک سسٹم مستقبل کی اسمارٹ کچن ٹیکنالوجی کے لئے ایک سنگِ میل ہے۔ یہ ماڈل آئندہ دنوں میں ریسٹورنٹس، فوڈ کورٹس اور کلاؤڈ کچنز کے لئے نیا رہنما ثابت ہوگا۔

لوگوں کا کہنا ہے کہ یہ ٹیکنالوجی نہ صرف وقت بچائے گی بلکہ کھانے کے معیار اور صحت مند پکوان میں بھی نئی جدت لائے گی۔ وجئے واڑا اُتسو میں آنے والے ہزاروں افراد نے اس انوکھے مظاہرے کو بے حد پسند کیا اور اسے ایک انقلابی قدم قرار دیا۔