علاقائی خبریںقومی
نظام الدین اسٹیشن پر آئی آر سی ٹی سی کے ملازمین کے درمیان جھگڑا
دہلی کے نظام الدین ریلوے اسٹیشن پر آئی آر سی ٹی سی کے ملازمین کے درمیان شدید جھگڑا ہوگیا، جس کی ویڈیو سوشل میڈیا پر تیزی سے وائرل ہو رہی ہے۔
عینی شاہدین کے مطابق، معمولی بات چیت کے دوران تکرار شروع ہوئی جو کچھ ہی لمحوں میں مکوں، تھپڑوں اور بیلٹ سے مارپیٹ میں بدل گئی۔ ایک ملازم نے تو کچرے کا ڈبہ اٹھا کر دوسرے پر پھینک دیا، جس کے بعد صورتحال مزید بگڑ گئی۔
ویڈیو میں دیکھا جا سکتا ہے کہ کچھ ملازمین وردی میں ایک دوسرے پر حملہ آور ہیں جبکہ مسافر گھبرا کر پیچھے ہٹتے یا ویڈیو بناتے نظر آ رہے ہیں۔
واقعے کے بعد ریلوے انتظامیہ نے تحقیقات شروع کر دی ہیں، جبکہ عوام نے سوشل میڈیا پر افسوس اور غصے کا اظہار کیا ہے کہ ریلوے ملازمین سے ایسی حرکت کی توقع نہیں تھی۔
