کھمم میں دردناک واقعہ: تیز بارش میں ٹرک نالے میں بہہ گیا
ضلع کھمم میں طوفان مانتھا کی وجہ سے ہونے والی موسلا دھار بارشوں نے ایک خوفناک واقعہ پیش آیا۔ جَنّارم گاؤں میں نِمّاوَگو نالے کو پار کرتے وقت ایک سامان بردار ٹرک تیز بہاؤ میں ڈرائیور سمیت بہہ گیا۔
یہ حادثہ بدھ کے روز اینکور منڈل میں پیش آیا، جہاں نالہ صبح سے اُبل رہا تھا۔ مقامی لوگوں نے ڈرائیور کو خبردار کیا تھا کہ پانی کا بہاؤ بہت تیز ہے، مگر اُس نے خطرہ مول لے کر نالہ پار کرنے کی کوشش کی۔
جب ٹرک پل کے درمیان پہنچا تو تیز دھار نے اسے بہا کر نیچے کی طرف پھینک دیا۔ واقعے کے فوراً بعد ضلعی انتظامیہ اور این ڈی آر ایف ٹیمیں جائے حادثہ پر پہنچ گئیں اور بچاؤ کارروائیاں شروع کر دیں۔
تاہم شام ساڑھے چھ بجے تک بھی ڈرائیور کا کوئی پتہ نہیں چل سکا۔ لاپتہ ڈرائیور کی شناخت اریپلی مرلی کے نام سے ہوئی ہے، جو اسواراؤ پیٹ کے کپولا بازار کا رہائشی بتایا گیا ہے۔ وہ کھمم منڈی میں کپاس اتارنے کے بعد سجاتا نگر واپس جا رہا تھا۔
