مادھا پور میں بڑا دھوکہ گینگ بے نقاب 9 گرفتار
سائبر آباد پولیس کی اسپیشل آپریشن ٹیم اور سائبر کرائم یونٹ نے مدھاپور میں چلنے والے ایک جعلی کال سینٹر کو بے نقاب کرتے ہوئے 9 افراد کو گرفتار کرلیا۔ یہ گروہ آسٹریلیا کے شہریوں سے تقریباً 8 سے 10 کروڑ روپے کی ठگی میں ملوث تھا۔
پولیس کے مطابق مرکزی ملزمان پروین اور پرکاش، جو ضلع کھمم سے تعلق رکھتے ہیں، نے 2024 میں مدھاپور کے آئیاپا سوسائٹی میں کے نام سے یہ جعلی کال سینٹر قائم کیا۔ انہوں نے کلکتہ سے 7 افراد کو بلا کر انہیں گی کے کام میں لگایا، جبکہ کھمم کے ہی گنیش اور کیشو روزمرہ کے انتظامات دیکھتے تھے۔
ٹھگی کا طریقہ کار
پولیس تحقیقات میں سامنے آیا کہ یہ گروہ کسی اور ٹیم سے جعلی لیڈز حاصل کرتا تھا جو آسٹریلیا کے شہریوں کو جعلی پاپ اپس اور ای میلز بھیجتے تھے، جن میں لکھا ہوتا تھا کہ ان کا کمپیوٹر ہیک ہو گیا ہے۔ ساتھ میں ایک کسٹمر کیئر نمبر دیا جاتا تھا، جس پر کال کرنے پر کال سیدھی مدھاپور کے جعلی سینٹر میں آتی تھی۔
گی کرنے والے متاثرہ افراد کو ریموٹ ایکسس دینے پر مجبور کرتے تھے، جس کے بعد وہ ان کے بینک اکاؤنٹس تک رسائی حاصل کر کے بڑی رقوم آسٹریلیا میں رہنے والے ہندوستانی شہریوں کے اکاؤنٹس میں منتقل کرتے تھے۔ بعد میں یہ رقم ہنڈی، کرپٹو کرنسی اور دیگر غیر قانونی چینلز کے ذریعے بھارت واپس لائی جاتی تھی۔
پولیس نے معاملہ بھارتیہ نیایا سنہیتا کی متعدد دفعات اور آئی ٹی ایکٹ کی دفعات 66 (C) اور (D) کے تحت درج کرلیا ہے۔
