جے شنکر اور نیوزی لینڈ وزیرِاعظم کی ملاقات خطے میں امن و ترقی پر اتفاق
ملائیشیا میں جاری آسیان سمٹ کے موقع پر بھارت کے وزیرِ خارجہ ڈاکٹر ایس۔ جے شنکر نے نیوزی لینڈ کے وزیرِاعظم کرسٹوفر لکسن سے ملاقات کی۔ دونوں رہنماؤں نے دوطرفہ تعلقات مضبوط بنانے اور بحرالہند و بحرالپیسفک خطے میں امن و استحکام کے فروغ پر اتفاق کیا۔
ڈاکٹر جے شنکر نے بتایا کہ یہ ملاقات آسیان 2025 اجلاس کے دوران ہوئی، جہاں انہوں نے وزیرِاعظم نریندر مودی کی جانب سے نیک خواہشات کا پیغام پہنچایا۔ انہوں نے کہا کہ نیوزی لینڈ کے وزیرِاعظم کا دوستی اور تعاون بڑھانے کا عزم قابلِ تعریف ہے۔
وزارتِ خارجہ کے مطابق، بھارت اور نیوزی لینڈ کے درمیان تاریخی دوستانہ تعلقات ہیں، جو وقت کے ساتھ مزید مضبوط ہو رہے ہیں۔ دونوں ممالک نے تجارت، دفاع، اور علاقائی سلامتی کے شعبوں میں تعاون بڑھانے پر زور دیا۔
واضح رہے کہ مارچ 2025 میں وزیرِاعظم لکسن نے ایک اعلیٰ سطحی کاروباری وفد کے ساتھ بھارت کا دورہ کیا تھا، جہاں دونوں ملکوں نے آزاد تجارتی معاہدے پر بات چیت شروع کرنے پر اتفاق کیا تھا۔
دونوں رہنماؤں نے اقوام متحدہ کی جانب سے کالعدم دہشتگرد تنظیموں کے خلاف مشترکہ کارروائی پر زور دیا۔
نیوزی لینڈ نے بھارت کی قیادت میں دو عالمی منصوبوں انڈو پیسفک اوشنز انیشی ایٹو اور ڈیزاسٹر ریزیلیئنٹ انفراسٹرکچر کولیشن میں شمولیت اختیار کی، جو علاقائی تعاون اور پائیدار ترقی کی جانب ایک اہم قدم ہے۔
