بھارت کی معیشت مضبوط، عالمی جھٹکے بھی برداشت کر سکتی ہے: وزیر خزانہ نرملا سیتا رمن

وزیر خزانہ نرملا سیتا رمن نے کہا ہے کہ دنیا کی معیشت اس وقت ایک بنیادی ڈھانچے کی تبدیلی سے گزر رہی ہے، لیکن بھارت کی معیشت اتنی مضبوط ہے کہ بیرونی جھٹکوں کو برداشت کر سکتی ہے۔

وہ کاٹلیہ اکنامک کانکلیو 2025 کے چوتھے ایڈیشن سے خطاب کر رہی تھیں۔ انہوں نے کہا کہ آج ملکوں کے سامنے صرف غیر یقینی حالات کو سنبھالنے کا نہیں بلکہ تجارت، مالیات اور توانائی کے عدم توازن کا بھی چیلنج ہے۔

نرملا سیتا رمن کے مطابق، جغرافیائی سیاست میں ٹکراؤ بڑھ رہا ہے، پابندیاں، ٹیرف اور الگ تھلگ ہونے کی پالیسیاں عالمی سپلائی چین کو بدل رہی ہیں۔ تاہم بھارت کے پاس ان حالات میں بھی اپنی معیشت کو محفوظ رکھنے اور آگے بڑھانے کی صلاحیت موجود ہے۔

انہوں نے کہا کہ "بھارت کی معیشت اپنی اندرونی کھپت اور سرمایہ کاری پر انحصار کرتی ہے، یہی وجہ ہے کہ بیرونی جھٹکوں کا اثر کم ہوتا ہے۔”

وزیر خزانہ نے مزید کہا کہ بھارت کا عالمی معیشت میں ایک مستحکم قوت کے طور پر ابھرنا کوئی اتفاق نہیں بلکہ کئی عوامل کا نتیجہ ہے۔