تلنگانہحیدرآبادعلاقائی خبریںقومی
شاہ علی بندہ آتشزدگی ہلاکتوں کی تعداد دو ہوگئی
حیدرآباد کے علاقے شاہ علی بندہ میں الیکٹرانکس شوروُم میں لگنے والی خوفناک آگ نے ایک اور جان لے لی۔ گوماتھی الیکٹرانکس کے مالک شیوا کمار علاج کے دوران دم توڑ گئے، جس کے بعد ہلاکتوں کی تعداد دو ہوگئی۔
اس سے قبل ایک شخص، جس کی شناخت تاحال معلوم نہیں ہوسکی، آتشزدگی کے دوران موقع پر ہی جاں بحق ہوگیا تھا۔
آگ شارٹ سرکٹ سے بھڑکی
واقعہ پیر کی رات اس وقت پیش آیا جب شوروُم میں اچانک شارٹ سرکٹ ہوا اور آگ تیزی سے پھیل گئی۔ شوروُم کا تمام سامان جل کر خاکستر ہوگیا جبکہ ایک کار، ایک آٹو رکشہ اور دو اسکوٹرس بھی مکمل طور پر نقصان کا شکار ہوگئیں۔
سیلنڈر دھماکہ اور فوری امداد
آگ کے دوران ایک سیلنڈر دھماکے سے شدید تباہی پھیلی۔ اسی دھماکے نے ایک نامعلوم شخص کی جان لے لی۔ دس فائر ٹینڈرز نے کئی گھنٹوں کی کوشش کے بعد آگ پر قابو پایا۔
پولیس نے شہریوں سے درخواست کی ہے کہ نامعلوم متوفی شخص کی شناخت میں تعاون کریں۔
