ہند-امریکہ دفاعی معاہدہ 10 سالہ نیا فریم ورک سائن، خطے میں استحکام کا نیا دور
بھارت اور امریکہ کے درمیان دفاعی تعاون کے ایک نئے 10 سالہ معاہدے پر دستخط کیے گئے۔ یہ معاہدہ جمعہ کو بھارتی وزیرِ دفاع راجناتھ سنگھ اور امریکی وزیرِ جنگ پیٹر ہیگسیتھ کے درمیان کوالا لمپور میں ملاقات کے دوران طے پایا۔
یہ اہم دفاعی فریم ورک دونوں ممالک کے تعلقات میں ایک نیا موڑ ثابت ہوگا، جس کا مقصد دفاعی شراکت کو مزید مضبوط بنانا اور علاقائی استحکام کو فروغ دینا ہے۔
پیٹر ہیگسیتھ نے اپنے بیان میں کہا کہ "ہند-امریکہ دفاعی تعلقات پہلے سے کہیں زیادہ مضبوط ہیں”۔ ان کے مطابق یہ معاہدہ ٹیکنالوجی کے اشتراک، معلومات کے تبادلے اور عسکری ہم آہنگی کو بڑھانے میں مدد دے گا۔
وزیرِ دفاع راجناتھ سنگھ نے بھی اس ملاقات کو “کارآمد اور تاریخی” قرار دیا۔ ان کا کہنا تھا کہ یہ معاہدہ دونوں ممالک کے درمیان دفاعی تعلقات کو پالیسی رہنمائی فراہم کرے گا اور نئی دہائی کی شراکت داری کا آغاز کرے گا۔
راجناتھ سنگھ نے کہا، “یہ فریم ورک آزاد اور کھلے بحرِ ہند و بحرالکاہل خطے کے لیے ایک مضبوط بنیاد بنے گا۔ دفاع دونوں ممالک کے تعلقات کا اہم ستون رہے گا۔”
