جوبلی ہلز ضمنی انتخاب میں صرف 47 فیصد ووٹنگ عوام کی کم دلچسپی
جوبلی ہلز ضمنی انتخاب میں ووٹنگ کا عمل منگل کو پرامن طور پر مکمل ہوگیا، لیکن ووٹ ڈالنے والوں کی تعداد مایوس کن رہی۔ الیکشن کمیشن کے مطابق شام پانچ بجے تک صرف 47.16 فیصد ووٹنگ ریکارڈ کی گئی۔
اس بار پہلی مرتبہ رنگین بیلٹ پیپرز کا استعمال کیا گیا، جسے عوام نے سراہا اور کہا کہ اس سے ووٹنگ کا عمل آسان اور صاف ہوگیا۔
پولنگ صبح 7 بجے شروع ہوئی مگر ابتدا میں ووٹنگ کی رفتار بہت سست رہی۔ صبح 9 بجے تک صرف 9.2 فیصد ووٹ ڈالے گئے۔ 11 بجے کے بعد کچھ اضافہ دیکھا گیا جب طلبہ اور دفتری ملازمین نے اپنا ووٹ ڈالا۔ دوپہر تک 31.94 فیصد ووٹنگ ہوئی اور 3 بجے تک یہ شرح 40.20 فیصد تک پہنچی۔ شام پانچ بجے تک مجموعی شرح 47.16 فیصد رہی۔
انتخابی عمل کے دوران 407 پولنگ مراکز میں سخت سیکیورٹی انتظامات کیے گئے۔ شام کے وقت عوام کی شرکت میں معمولی اضافہ دیکھا گیا۔
عوام نے کہا کہ رنگین بیلٹ پیپرز سے ووٹ ڈالنا آسان ہوگیا اور کنفیوژن کم ہوئی۔ کئی ووٹروں نے مطالبہ کیا کہ آئندہ انتخابات میں بھی یہی طریقہ اختیار کیا جائے تاکہ ووٹنگ شفاف اور واضح رہے۔
