ایلون مسک کا اعلان اسٹارلنک بھارت میں خدمت کے لئے تیار
اسپیس ایکس کے سربراہ ایلون مسک نے کہا ہے کہ وہ بھارت میں اپنی سیٹلائٹ انٹرنیٹ سروس اسٹارلنک شروع کرنے کے لئے پُرجوش ہیں۔
ایلون مسک کا یہ بیان اُس وقت سامنے آیا جب وزیر جیوترادتیہ سندھیا نے دہلی میں اسٹارلنک کی نائب صدر لارن ڈرائر سے ملاقات کی۔ ملاقات میں بھارت کے دور دراز علاقوں میں سیٹلائٹ کے ذریعے انٹرنیٹ پہنچانے پر بات چیت ہوئی۔
سندھیا نے کہا کہ وزیر اعظم نریندر مودی کے ڈیجیٹل بھارت کے وژن کو آگے بڑھانے میں سیٹلائٹ ٹیکنالوجی اہم کردار ادا کرے گی۔ اس کے ذریعے دور دراز دیہاتوں اور مشکل علاقوں میں بھی تیز رفتار انٹرنیٹ فراہم کیا جا سکتا ہے۔
چند دن پہلے بھارت میں اسٹارلنک کی انٹرنیٹ فیس کے حوالے سے ویب سائٹ پر سامنے آنے والی معلومات کے بارے میں کمپنی کی نائب صدر لارن ڈرائر نے وضاحت کی کہ یہ محض ٹیسٹ ڈیٹا تھا اور ایک معمولی تکنیکی خرابی کے باعث عوامی طور پر دکھائی دے گیا۔
