قومی
بھارت کی تازہ قومی خبریں — سیاست، پارلیمنٹ، معاشی پالیسیاں، سرکاری فیصلے، حادثات اور عوامی اہمیت کی براہِ راست اپ ڈیٹس وقارِ ہند پر۔
-
بگ باس 19 کے فائنل میں ایک جذباتی لمحہ اس وقت دیکھنے کو ملا جب سلمان خان نے بھارتی سینما کے لیجنڈ اداکار دھرمندر کو آن اسٹیج خراجِ عقیدت پیش کیا۔ چند روز قبل دنیا سے رخصت ہونے والے دھرمندر کی یاد میں سلمان خان کی آنکھیں بھر آئیں۔ سلمان خان نے شو میں دھرمندر کے یادگار لمحات پر مشتمل ایک خصوصی ویڈیو دکھائی۔ ویڈیو ختم ہوتے ہی وہ جذبات پر قابو نہ رکھ سکے اور کہا کہ "ہم نے اپنے ہی مین کو کھو دیا… دھرمندر جی جیسا انسان کوئی نہیں”۔ انہوں نے مزید کہا کہ دھرمندر نے ساٹھ سال تک شائقین کو تفریح دی اور اپنی زندگی بادشاہانہ انداز میں گزاری۔ سلمان نے اپنے دل کی بات کرتے ہوئے کہا کہ ان کا کیریئر گراف ہمیشہ دھرمندر کے نقشِ قدم پر چلا۔انہوں نے دھرمندر کی شخصیت کو معصوم چہرہ اور ہی مین جیسی دھاک کا حسین امتزاج قرار…
مزید پڑھیں » -
UNESCO کے ۲۰ویں اجلاس کے افتتاح پر وزیراعظم نریندر مودی نے اپنے پیغام میں کہا کہ بھارت کا نظریہ "وِکاس بھی، وِراثت بھی” اس عزم کی علامت ہے کہ ترقی، شہریّت اور جدیدیت کے باوجود تہذیب و ثقافت کو مزید مضبوط کیا جائے، مٹایا نہ جائے۔ وزیراعظم نے زور دے کر کہا کہ بھارت میں کوئی بھی روایت، فنکار یا برادری نہ تو نظرانداز ہوتی ہے اور نہ ہی بے سہارا چھوڑی جاتی ہے۔انہوں نے بتایا کہ بھارت کے لیے وراثت کوئی پرانی یاد نہیں بلکہ ایک زندہ روایت ہے جو مسلسل علم، تخلیق اور برادری کی روح کو آگے بڑھاتی ہے۔ مودی نے کہا کہ بھارت کی تہذیبی تاریخ اس سوچ سے بنی ہے کہ ثقافت صرف آثارِ قدیمہ یا تحریروں میں نہیں بلکہ عوام کی روزمرہ زندگی میں—جیسے تھوڑ و تہوار، رسومات، فنون اور ہنرمندی میں زندہ رہتی ہے۔انہوں نے کہا کہ غیر مادی ورثہ معاشروں کی اخلاقی،…
مزید پڑھیں » -
تلنگانہ کے ڈپٹی چیف منسٹر ملّو بھٹی وکرمارکا اور وزیر ڈی۔ سرِیدھر بابو نے لایونل میسی کے نمائشی فٹبال میچ کے انتظامات کا تفصیلی جائزہ لیا۔ یہ میچ ۱۳ دسمبر کو ہوگا، جس میں میسی کی ٹیم اور وزیراعلیٰ ریونت ریڈی کی قیادت میں بنائی گئی مقامی ٹیم حصہ لے گی۔ اجلاس کے دوران اسپورٹس اتھارٹی کے چیئرمین شیوسینا ریڈی، راچہ کنڈہ پولیس کمشنر سدھیر بابو اور دیگر اعلیٰ حکّام نے سیکیورٹی، ٹریفک، اسٹیڈیم انتظامات اور تماشائیوں کی سہولتوں پر بریفنگ دی۔ ڈپٹی سی ایم نے بتایا کہ میچ میں ہزاروں شائقین کی آمد متوقع ہے، اس لیے عوام کو مشورہ دیا کہ وہ وقت سے پہلے پہنچ کر اپنی نشستیں سنبھال لیں تاکہ سہولت اور سیکیورٹی برقرار رہے۔ حکام کے مطابق میسی، وزیراعلیٰ اور دیگر مہمانوں کی آمد و رفت کے لیے خصوصی راستے مقرر کیے گئے ہیں۔ دونوں پولیس کمشنریٹس انتظامات پر گہری نظر رکھے ہوئے ہیں۔ یہ…
مزید پڑھیں » -
گووا کے علاقے اَراپورا میں ایک نائٹ کلب میں سلینڈر دھماکے سے لگنے والی ہولناک آگ میں کم از کم ۲۵ افراد جاں بحق ہوگئے۔ اس افسوسناک واقعے کے بعد حکومت نے فوری بڑا ایکشن لیتے ہوئے چار افراد کو گرفتار کر لیا ہے جبکہ کلب کے مالکوں کے خلاف ایف آئی آر بھی درج کر دی گئی ہے۔ وزیر اعلیٰ پرمود ساونت نے پریس کانفرنس میں بتایا کہ ابتدائی تحقیقات کے مطابق کلب کے اندر الیکٹرک پٹاخے پھوڑے گئے جس کے نتیجے میں آگ بھڑکی۔ انہوں نے اعلان کیا کہ غیر قانونی نائٹ کلبوں اور کاروباری مقامات کا آڈٹ کیا جائے گا اور مستقبل میں ایسے واقعات کو روکنے کے لیے نئی ایس او پی تیار کی جائے گی۔ گرفتار افراد میں چیف جنرل منیجر، جنرل منیجر، بار منیجر اور گیٹ منیجر شامل ہیں۔ کلب کے مالکوں سوربھ لوتھرا اور گورَو لوتھرا کی گرفتاری جلد متوقع ہے۔حکومت نے ایک…
مزید پڑھیں » -
معروف بھارتی کرکٹر سمرتی مندھانا نے آخرکار اپنی شادی سے متعلق تمام خبروں پر خاموشی توڑ دی ہے۔ انہوں نے واضح طور پر تصدیق کی ہے کہ ان کی اور موسیقار پالاش مُچّل کی شادی منسوخ کر دی گئی ہے۔انہوں نے سوشل میڈیا پر پیغام جاری کرتے ہوئے کہا کہ گزشتہ کئی ہفتوں سے ان کی ذاتی زندگی پر افواہیں گردش کر رہی تھیں، جس کے بعد انہیں یہ وضاحت دینا ضروری محسوس ہوا۔ سمرتی نے درخواست کی کہ دونوں خاندانوں کی پرائیویسی کا مکمل احترام کیا جائے اور اس معاملے کو یہی ختم سمجھا جائے۔ انہوں نے بتایا کہ وہ ہمیشہ سے اپنی ذاتی زندگی کو عوامی نظر سے دور رکھنا چاہتی ہیں۔ اپنے پیغام میں سمرتی مندھانا نے کہا کہ ان کی زندگی کا سب سے بڑا مقصد ملک کی نمائندگی کرنا ہے اور ان کی پوری توجہ اب صرف کرکٹ اور ملک کے لیے میچ جیتنے پر…
مزید پڑھیں » -
تلنگانہ کے دارالحکومت حیدرآباد میں پیر سے شروع ہونے والے دو روزہ ’تلنگانہ رائزنگ گلوبل سمیٹ‘ کی تیاریاں زوروں پر ہیں۔ شہر کو عالمی معیار کے مطابق سجایا جا رہا ہے، کیونکہ ملک اور بیرونِ ملک سے اہم مہمان اور نمائندگان پہنچنے والے ہیں۔ اس موقع پر ریاست میں کانگریس حکومت کے دو سال مکمل ہونے پر وزیراعلیٰ ریوَنتھ ریڈی نے عوام کے نام خصوصی پیغام جاری کیا۔ اپنے پیغام میں وزیر اعلیٰ نے کہا کہ بڑی سوچ اور مضبوط عزم سے ہی ریاست کو ترقی کی راہ پر آگے بڑھایا جا سکتا ہے۔ انہوں نے دعویٰ کیا کہ پچھلے دو سالوں میں انہوں نے نظامِ حکومت کی کمزوریوں کو درست کیا، نوجوانوں کو روزگار کا اعتماد دیا، کسانوں کو قرض کے بوجھ سے نجات دلائی اور کاروباری طبقے کے لیے نئی راہیں کھولی ہیں۔ ریوَنتھ ریڈی نے کہا کہ ان کی حکومت کا اصل مقصد سماجی انصاف ہے۔ اسی…
مزید پڑھیں » -
وزیراعظم نریندر مودی نے بھارت کی شاندار ۸٫۲ فیصد جی ڈی پی گروتھ کو ملک کی بڑھتی ہوئی معاشی طاقت کی علامت قرار دیتے ہوئے کہا کہ بھارت عالمی ترقی کا اہم محرک بن کر اُبھر رہا ہے۔ انہوں نے کہا کہ ایک غیر یقینی دنیا میں بھارت اعتماد، استحکام اور ترقی کی نئی مثال بن چکا ہے۔ مودی کا کہنا تھا کہ بھارت آج تیزی سے ترقی، کم مہنگائی، مضبوط اعتماد اور عالمی سطح پر پل بنانے والی طاقت کے طور پر دیکھا جا رہا ہے۔ انہوں نے زور دیا کہ دنیا میں جب سست روی کی بات ہوتی ہے، بھارت ترقی کی نئی کہانی لکھتا ہے، اور جب دنیا میں اعتماد کا بحران ہوتا ہے تو بھارت بھروسے کا مضبوط ستون بنتا ہے۔ وزیراعظم نے کہا کہ بھارت نے نوآبادیاتی ذہنیت کے اثرات سے نکل کر نئی خود اعتمادی حاصل کی ہے۔ انہوں نے کہا کہ عالمی سطح…
مزید پڑھیں » -
ملک کی سب سے بڑی ایئرلائن انڈگو نے حالیہ پروازوں کی بڑی منسوخی کے بعد مسافروں کو ۶۱۰ کروڑ روپے کی رقوم واپس کر دی ہیں۔ یہ پیش رفت اس وقت سامنے آئی جب وزارتِ شہری ہوابازی نے ایئرلائن کو سخت ہدایت دی کہ تمام ریفنڈ اتوار رات ۸ بجے تک مکمل کیے جائیں۔ وزارت کے مطابق مسافروں سے ری شیڈولنگ فیس وصول کرنے پر مکمل پابندی لگا دی گئی ہے۔ اسی کے ساتھ خصوصی ہیلپ سیل بنائے گئے ہیں تاکہ مسافروں کی ریفنڈ اور بُکنگ سے متعلق شکایات فوری حل ہو سکیں۔ ادارے نے بتایا کہ انڈگو کی کارکردگی بہتر ہو رہی ہے۔ جمعہ کو جہاں ۷۰۶ پروازیں چلیں، وہیں ہفتہ کو یہ تعداد بڑھ کر ۱۵۶۵ ہو گئی، اور آج یہ تعداد ۱۶۵۰ تک پہنچنے کی امید ہے۔ دیگر تمام ایئرلائنز مکمل گنجائش کے ساتھ کام کر رہی ہیں۔ حکومت نے حالیہ منسوخی کے بعد کرایوں میں اضافے…
مزید پڑھیں » -
پاردی (والساڈ) میں ایک حیران کن واقعہ سامنے آیا جہاں جانوروں سے محبت رکھنے والے نوجوان علی انصاری نے انتہائی زہریلے رسل وائپر سانپ کی جان سی پی آر دے کر بچا لی۔ عام طور پر سی پی آر انسانوں کو دی جاتی ہے، لیکن یہاں سانپ کی سانسیں بحال کی گئیں۔ ایک نجی اسکول کے احاطے میں دو سانپ دکھائی دیے، جس پر اسکول انتظامیہ نے علی انصاری سے رابطہ کیا۔ ایک سانپ کو فوراً قابو کر لیا گیا، لیکن دوسرے کو پکڑنے کے دوران لکڑیوں کا بھاری گٹھا سانپ کے سر پر گر گیا، جس سے وہ شدید زخمی ہوگیا اور اس کی سانس رک گئی۔ سانپ نیم بے ہوش ہوا تو علی انصاری اسے کھلی جگہ لے گئے۔ پہلے ہاتھ سے پمپنگ کی، مگر کوئی حرکت نہ ہوئی۔ پھر انہوں نے خطرہ مول لیتے ہوئے سانپ کے منہ کے نچلے حصے میں موجود سانس کی نالی میں…
مزید پڑھیں » -
بھارت اور جنوبی افریقہ کے درمیان ون ڈے سیریز میں2-1سے کامیابی کے بعد ٹیم انڈیا نے ہوٹل میں کیک کاٹ کر جشن منایا۔ اس دوران ایک دلچسپ واقعہ پیش آیا جس نے سب کو مسکرا دیا۔ نوخیز کھلاڑی یَشسوی جیسوال نے آخری فیصلہ کن میچ میں بہترین کارکردگی دکھائی جس کے بعد ٹیم نے اسے کیک کاٹنے کا موقع دیا۔ جیسوال نے سب سے پہلے وِرات کوہلی کو کیک کھلایا۔ سخت ڈائیٹ پر رہنے والے کوہلی نے بھی ٹیم کی جیت کی خوشی میں کیک قبول کر لیا۔ لیکن جب کیک روہت شرما کی طرف بڑھایا گیا تو کپتان نے مسکراتے ہوئے انکار کر دیا۔ روہت نے ہنستے ہوئے کہا: "نہیں بھائی، میں پھر موٹا ہو جاؤں گا”۔ ان کی یہ بات سن کر وہاں موجود سارے کھلاڑی زوردار ہنسی میں پھوٹ پڑے۔ روہت شرما نے ٹیسٹ کرکٹ سے کنارہ کشی کے بعد اپنی فِٹنس پر بھرپور توجہ دی اور…
مزید پڑھیں »