نوئیڈا میں پیش آنے والے دل خراش واقعے کے بعد اتر پردیش کے وزیرِ اعلیٰ یوگی آدتیہ ناتھ نے سخت کارروائی کا حکم دیتے ہوئے خصوصی تفتیشی ٹیم سے تحقیقات کا اعلان کیا ہے۔ اس معاملے میں نوئیڈا اتھارٹی کے چیف ایگزیکٹو افسر ایم لوکیش کو عہدے سے ہٹا دیا گیا ہے، جسے انتظامی لاپرواہی کے خلاف بڑا قدم قرار دیا جا رہا ہے۔
حکومتی حکم کے مطابق تین رکنی خصوصی تفتیشی ٹیم تشکیل دی گئی ہے جو سیکٹر ایک سو پچاس میں پیش آئے حادثے کے تمام پہلوؤں کی جانچ کرے گی۔ اس ٹیم کی سربراہی میرٹھ زون کے ایڈیشنل ڈائریکٹر جنرل کریں گے، جبکہ میرٹھ کے ڈویژنل کمشنر اور محکمۂ تعمیراتِ عامہ کے چیف انجینئر اس کے رکن ہوں گے۔ ٹیم کو پانچ دن میں رپورٹ وزیرِ اعلیٰ کو پیش کرنے کی ہدایت دی گئی ہے۔
یوراج نے مدد کے لیے والد کو فون کیا اور طویل وقت تک زندگی کی جدوجہد کرتے رہے۔
عینی شاہدین کے مطابق ریسکیو کارروائی میں تاخیر ہوئی، جس پر عوامی غم و غصہ بھڑک اٹھا۔ پولیس نے متاثرہ خاندان کی شکایت پر دو تعمیراتی کمپنیوں کے خلاف مقدمہ درج کیا ہے۔ مقامی رہائشیوں نے ناکافی بیریکیڈنگ اور ریفلیکٹرز کی عدم موجودگی کو حادثے کی بڑی وجہ قرار دیتے ہوئے احتجاج کیا۔ حکومت نے یقین دہانی کرائی ہے کہ ذمہ داروں کے خلاف سخت کارروائی ہوگی۔
