اومیگا 6 فیٹی ایسڈ چھپا ہوا غذائی خزانہ، صحت کے بے شمار فائدے
ہماری صحت برقرار رکھنے کے لیے جسم کو جہاں وٹامنز اور منرلز کی ضرورت ہوتی ہے، وہیں کچھ ایسے ضروری غذائی اجزاء بھی ہیں جنہیں اکثر لوگ نظر انداز کر دیتے ہیں۔ انہی میں سے ایک ہیں اومیگا 6 فیٹی ایسڈ، جو صحت بخش چربی کا اہم حصہ ہیں اور مختلف غذاؤں میں پائے جاتے ہیں۔
اکثر لوگ اومیگا 3 کے بارے میں جانتے ہیں، مگر اومیگا 6 کے فوائد اور ذرائع سے ناواقف رہتے ہیں۔ اومیگا 6 فیٹی ایسڈ جسم کی نشوونما، توانائی اور جسمانی افعال کے لیے نہایت ضروری ہیں۔
جسم کیلئے فوائد
اومیگا 6 فیٹی ایسڈ جسم میں خود نہیں بنتے، اس لیے انہیں غذا کے ذریعے لینا ضروری ہے۔ یہ دل کی صحت بہتر بناتے ہیں، خون کی روانی کو بہتر کرتے ہیں، جلد کو نرم و چمکدار بناتے ہیں، بالوں کو مضبوط کرتے ہیں اور ہڈیوں کو طاقت دیتے ہیں۔ اس کے علاوہ یہ دماغی کارکردگی، یادداشت اور ارتکاز کو بھی بہتر بناتے ہیں۔
اومیگا 6 جسم میں گاما لِنو لیک ایسڈ میں تبدیل ہوتا ہے جو سوزش کم کرتا ہے، جس سے ہارٹ اٹیک اور فالج جیسے خطرات گھٹتے ہیں۔
مرد و خواتین کیلئے فائدے
اومیگا 6 سے جسم کی اندرونی کارکردگی بہتر ہوتی ہے، پیدائشی مسائل کم ہوتے ہیں، اور بانجھ پن کے امکانات گھٹتے ہیں۔
کن غذاؤں میں پایا جاتا ہے؟
اومیگا 6 زیادہ تر ان غذاؤں میں ہوتا ہے:
بادام، اخروٹ، پستہ، کاجو، کدو کے بیج، السی کے بیج، مونگ پھلی، سورج مُکھی کے بیج، چیا سیڈز، گوشت، مچھلی، مرغی، انڈے۔
ان غذاؤں کا باقاعدہ استعمال جسم کو توانا، صحت مند اور فعال رکھتا ہے۔
