بھارت میں خواتین کے کردار کو مزید مضبوط بنانے کیلئے آج ایک اہم پیش رفت سامنے آ رہی ہے جہاں وزیر اعظم نریندر مودی قومی سطح کے ناری شکتی وندن سمیلَن سے خطاب کریں گے۔ یہ پروگرام ایک خصوصی پارلیمانی اجلاس سے قبل منعقد ہو رہا ہے جس میں خواتین کے لیے نشستوں کے تحفظ کے قانون پر غور کیا جائے گا۔
اس اجلاس میں مختلف شعبوں سے تعلق رکھنے والی نمایاں خواتین، جن میں تعلیم، سائنس، کھیل، کاروبار اور سماجی خدمات شامل ہیں، شرکت کریں گی۔ اس کا مقصد ملک کی ترقی میں خواتین کے کردار کو اجاگر کرنا اور انہیں فیصلہ سازی میں زیادہ حصہ دینے پر زور دینا ہے۔
حکومت کے مطابق خواتین کے لیے تینتیس فیصد نشستوں کا تحفظ ایک اہم قدم ہے، جس سے پارلیمنٹ اور ریاستی اسمبلیوں میں خواتین کی نمائندگی میں نمایاں اضافہ ہوگا۔ اس قانون کے تحت مستقبل میں نشستوں کی تعداد بڑھا کر خواتین کیلئے مخصوص حصہ مقرر کیا جائے گا۔
یہ اقدام دو ہزار انتیس کے انتخابات سے پہلے نافذ کرنے کی کوشش کی جا رہی ہے، جس کیلئے قانون میں ضروری تبدیلیاں کی جا رہی ہیں۔ وزیر اعظم نے تمام سیاسی جماعتوں سے اپیل کی ہے کہ وہ اس قانون کی متفقہ منظوری کیلئے تعاون کریں۔
ماہرین کے مطابق یہ قدم نہ صرف خواتین کو بااختیار بنائے گا بلکہ ملک کی ترقی میں برابری اور شمولیت کو بھی فروغ دے گا۔
