حیدرآباد
Viqar e Hind par padhiye Hyderabad ki taaza Urdu khabrein — siyasi halat, shehri masail, traffic updates, aur maqami mozu‘aat.
-
اندیرامہ ہاؤسنگ اسکیم کے مستفیدین کے مسائل کے حل اور شکایات کے ازالے کے لیے جمعرات 11 ستمبر کو حیدرآباد میں ہاؤسنگ کارپوریشن کے دفتر میں ٹول فری کال سنٹر اور ہیلپ ڈیسک قائم کیا گیا۔ مستفیدین روزانہ صبح 7 بجے سے رات 9 بجے تک 1800 599 5991 پر رابطہ کر سکتے ہیں۔ ان کے فون نمبرز اور آدھار کی تفصیلات کی بنیاد پر ریکارڈ کی جانچ کی جائے گی اور مسائل کو حل کیا جائے گا۔ یہ کال سنٹر بلوں کی عدم ادائیگی، اسٹاف کی جانب سے تصاویر اپلوڈ کرنے میں تاخیر، تکنیکی دشواریوں یا بدعنوانی کی شکایات کو وصول کرے گا۔ تمام شکایات متعلقہ حکام تک پہنچائی جائیں گی اور مستفیدین کو کارروائی سے بھی آگاہ کیا جائے گا۔ ہاؤسنگ کے وزیر، پونگلیٹی سرینواس ریڈی نے جمعرات کو کال سنٹر کا افتتاح کیا۔ ان کا کہنا تھا کہ اندیرامہ ایپ کے ساتھ یہ کال سنٹر مستفیدین کو…
مزید پڑھیں » -
حیدرآباد کے یاقوت پورہ علاقے میں جمعرات، 11 ستمبر کو ایک افسوسناک واقعہ پیش آیا جب ایک پانچ سالہ اسکول جانے والی بچی کھلے مین ہول میں جا گری۔ یہ واقعہ مولا کا چلہ علاقے میں پیش آیا جب بچی اپنی ماں کے ساتھ اسکول جا رہی تھی۔ خوش قسمتی سے مین ہول میں اس وقت پانی کا بہاؤ نہیں تھا، جس کے باعث بڑا حادثہ ٹل گیا۔ بچی کی ماں نے فوری طور پر حاضر دماغی کا مظاہرہ کرتے ہوئے اپنی معصوم بیٹی کو باہر کھینچ لیا۔ ویڈیو میں صاف دیکھا جا سکتا ہے کہ کس طرح بچی اچانک مین ہول میں گر گئی اور لمحوں میں ماں نے اسے بچا لیا۔ بچی کو معمولی چوٹیں آئیں، تاہم واقعے نے مقامی عوام کو جھنجھوڑ کر رکھ دیا ہے۔ بچی کی ماں اسے فوری طور پر گھر لے گئیں۔ اس افسوسناک واقعے نے ایک بار پھر شہری انتظامیہ کی کارکردگی…
مزید پڑھیں » -
تلنگانہ کے گروپ۔1 امتحانات میں بے ضابطگیوں اور شکوک و شبہات کو اجاگر کرنے میں صرف روزنامہ ’’نمستے تلنگانہ‘‘ نے جرات مندانہ کردار ادا کیا۔ یہ اخبار نہ صرف بے روزگار نوجوانوں کی آواز بنا بلکہ امتحانات کے نتائج اور رینکنگ میں سامنے آنے والی سنگین خامیوں کو بھی منظرِ عام پر لایا۔ 10 مارچ کو تلنگانہ پبلک سروس کمیشن نے گروپ۔1 امتحانات کے نتائج کا اعلان کیا۔ اس کے بعد امیدواروں نے الزام لگایا کہ انگریزی میڈیم کے طلبہ کو زیادہ نمبر دیے گئے جبکہ تلگو میڈیم کے امیدواروں کے ساتھ ناانصافی ہوئی۔ کمیشن نے ٹاپرز کی فہرست شائع نہیں کی اور صرف امیدواروں کو اپنے لاگ اِن کے ذریعے نمبر دیکھنے کا موقع دیا۔ بعد میں تحقیقات سے معلوم ہوا کہ ٹاپ 100 امیدواروں میں اکثریت چند مخصوص مراکز سے تعلق رکھتی ہے، جبکہ درجنوں امتحانی مراکز سے کوئی بھی امیدوار کامیاب نہیں ہوا۔ مزید یہ کہ بعض…
مزید پڑھیں » -
حیدرآباد: نیپال میں جاری ہنگامہ آرائی اور کشیدہ حالات کے پیشِ نظر تلنگانہ حکومت نے دہلی میں واقع تلنگانہ بھون میں ایک خصوصی ایمرجنسی ہیلپ لائن قائم کی ہے تاکہ وہاں پھنسے شہریوں کی مدد کی جا سکے۔ سرکاری عہدیداروں کے مطابق اب تک کسی بھی تلنگانہ شہری کے زخمی یا لاپتہ ہونے کی اطلاع نہیں ملی ہے۔ حکومت نے واضح کیا ہے کہ اس ہیلپ لائن کا مقصد نہ صرف نیپال میں موجود شہریوں کو سہولت فراہم کرنا ہے بلکہ ریاست میں ان کے اہل خانہ کو بھی اطمینان دلانا ہے۔ تلنگانہ حکومت نے بتایا کہ وہ وزارتِ خارجہ اور کھٹمنڈو میں بھارتی سفارتخانے سے قریبی رابطے میں ہے تاکہ شہریوں کی حفاظت یقینی بنائی جا سکے اور ضرورت پڑنے پر ان کی واپسی کا بندوبست بھی کیا جا سکے۔ عوام سے اپیل کی گئی ہے کہ صرف سرکاری ہدایات پر عمل کریں اور غیر مصدقہ خبروں سے گریز…
مزید پڑھیں » -
حیدرآباد: تلنگانہ کے وزیراعلیٰ اے ریونت ریڈی نے منگل کے روز مرکزی وزیر خزانہ نرملا سیتا رمن سے ملاقات کی اور ریاست میں تعمیر ہونے والے ینگ انڈیا انٹیگریٹڈ ریزیڈنشیل اسکولز کے لئے ایک خصوصی کارپوریشن قائم کرنے کی اجازت طلب کی۔ انہوں نے کہا کہ تعلیمی اخراجات کو خرچ نہیں بلکہ سرمایہ کاری سمجھا جانا چاہیے، اس لئے ان منصوبوں کے لئے حاصل کردہ قرضوں کو ایف آر بی ایم کی حد سے مستثنیٰ کیا جائے۔ وزیراعلیٰ نے بتایا کہ ریاست کی 105 اسمبلی حلقوں میں ایسے اسکول تعمیر کیے جارہے ہیں، جن پر تقریباً 21 ہزار کروڑ روپے خرچ ہوں گے۔ مزید 9 ہزار کروڑ روپے جونیئر کالجز، ڈگری کالجز، ٹیکنیکل اداروں اور یونیورسٹیوں کو جدید لیبارٹریز اور انفراسٹرکچر فراہم کرنے پر خرچ کیے جائیں گے۔ ریونت ریڈی نے کہا کہ ہر اسکول میں 2,560 طلبہ کے قیام کی گنجائش ہوگی، جس سے تقریباً 2.7 لاکھ طلبہ کو…
مزید پڑھیں » -
حیدرآباد: تلنگانہ کی سب سے بڑی آبی اسکیم کالیشورم لفٹ اریگیشن پروجیکٹ میں ملّنا ساگر ریزروائر کو دل کی حیثیت حاصل ہے۔ ماہرین کا کہنا ہے کہ سابق وزیر اعلیٰ کے چندر شیکھر راؤ نے اس ریزروائر کو جس مقام پر تعمیر کیا، وہ بالکل موزوں ہے کیونکہ اس سے میدک ، نلگنڈہ اور رنگا ریڈی اضلاع تک پانی صرف زمینی کشش ثقل کے ذریعے پہنچایا جا سکتا ہے۔ ملّنا ساگر کو ابتدا میں ڈاکٹر وائی ایس راج شیکھر ریڈی کے دور حکومت میں پراڻاہیت۔چویلا پروجیکٹ کا حصہ بنایا گیا تھا، لیکن اس وقت اس کی گنجائش صرف 1.5 ٹی ایم سی فٹ رکھی گئی تھی۔ بعد میں کے سی آر حکومت نے اس منصوبے کو ری ڈیزائن کرتے ہوئے ریزروائر کی گنجائش کو 50 ٹی ایم سی فٹ تک بڑھا دیا۔ یہی نہیں بلکہ پورے کالیشورم پروجیکٹ میں ریزروائرز کی مجموعی گنجائش کو 141 ٹی ایم سی فٹ تک…
مزید پڑھیں » -
حیدرآباد: وزیرِ اعلیٰ ریونت ریڈی نے کہا ہے کہ نظام کے دور میں حیدرآباد کو پانی کی فراہمی کے لئے جو منصوبے بنائے گئے تھے، ان کو کانگریس حکومتوں نے آگے بڑھاتے ہوئے مزید وسعت دی۔ انہوں نے بتایا کہ 1908 کے خوفناک سیلاب کے بعد ہیما یت ساگر اور عثمان ساگر ڈیم تعمیر کئے گئے، جو آج بھی شہر کو پینے کا پانی فراہم کر رہے ہیں۔ سی ایم ریونت ریڈی نے گنڈی پیٹ میں گوداوری فیز دو اور تین منصوبوں کی سنگ بنیاد رکھی۔ اس منصوبے پر سات ہزار تین سو ساٹھ کروڑ روپے لاگت آئے گی اور 2027 تک مکمل ہوگا۔ اس کے تحت 20 ٹی ایم سی فٹ پانی حیدرآباد لایا جائے گا، جس میں سے 17.5 ٹی ایم سی پینے کے پانی کے لئے اور 2.5 ٹی ایم سی موسی ندی اور جڑواں ذخائر کی صفائی کے لئے استعمال ہوگا۔ انہوں نے کہا کہ حیدرآباد…
مزید پڑھیں » -
حیدرآباد: تلنگانہ حکومت نے ریاست بھر میں کسانوں کو یوریا کی بروقت اور آسان فراہمی یقینی بنانے کے لئے مزید مراکز قائم کرنے کا اعلان کیا ہے۔ زرعی ڈائریکٹر بی گوپی کے مطابق، حالیہ دنوں میں یوریا کے حصول کے لئے بڑھتے ہوئے ہجوم اور کسانوں کی مشکلات کو دیکھتے ہوئے حکومت نے نئے اقدامات کیے ہیں تاکہ کسانوں کو کسی قسم کی پریشانی نہ ہو۔ اس سلسلے میں حکومت نے فیصلہ کیا ہے کہ اب یوریا کی تقسیم کے لئے کسان پلیٹ فارمز کا بھی استعمال کیا جائے گا۔ بی گوپی نے بتایا کہ ریاست بھر میں پانچ سو کسان پلیٹ فارمز کے ذریعہ یوریا کی منظم اور شفاف تقسیم کی جائے گی اور اس کے لئے تمام ضروری انتظامات مکمل کر لیے گئے ہیں۔ انہوں نے کہا کہ آج سے ہی کئی اضلاع میں کسان پلیٹ فارمز کے ذریعے یوریا کی تقسیم شروع کر دی گئی ہے اور…
مزید پڑھیں » -
تلنگانہ نے فی کس آمدنی کے معاملے میں ملک کی سب ریاستوں کو پیچھے چھوڑ دیا ہے۔ ریاست کی فی کس آمدنی 3.87 لاکھ روپے تک پہنچ گئی ہے، جو کرناٹک اور ہریانہ سے زیادہ ہے۔ ڈپٹی چیف منسٹر ملو بھٹی وکرمارکا نے پیر کو ریاستی سطح کے بینکرس اجلاس سے خطاب کرتے ہوئے یہ اعداد و شمار پیش کیے۔ انہوں نے بتایا کہ بینکوں نے اس سال پہلی سہ ماہی میں ترجیحی شعبے کی قرضہ جات اسکیم کا 33.64 فیصد ہدف حاصل کیا ہے۔ وکرمارکا نے کہا کہ یہ تلنگانہ کے لیے ایک تاریخی موقع ہے کیونکہ پچھلے پانچ سالوں میں پہلی بار ریاست نے فی کس آمدنی میں پہلا مقام حاصل کیا ہے۔ ڈپٹی چیف منسٹر نے کہا کہ زرعی شعبے کو معیشت کی ریڑھ کی ہڈی قرار دیتے ہوئے حکومت نے متعدد اسکیمیں نافذ کی ہیں، جن میں دو لاکھ روپے تک کے کسان قرض معاف، ریتھو…
مزید پڑھیں » -
حیدرآباد: اتوار کی شب شہر کے عوام نے آسمان پر مکمل چاند گرہن کا شاندار منظر دیکھا جو تقریباً تین گھنٹے جاری رہا۔ لوگ بڑی تعداد میں گھروں کی چھتوں، پارکوں اور کھلی جگہوں پر جامہ ہوئے تاکہ اس نایاب فلکیاتی منظر کو قریب سے دیکھ سکیں۔ آئی آئی ٹی حیدرآباد میں رات ساڑھے دس بجے خصوصی سائنسی سیشن منعقد کیا گیا جس میں تقریباً 200 طلبہ نے حصہ لیا۔ طلبہ کے لئے یہ ایک نایاب موقع تھا کہ وہ فلکیات کو براہِ راست اپنی آنکھوں سے دیکھ سکیں اور کتابی علم کو عملی تجربے سے جوڑ سکیں۔ اسی دوران اسٹارڈسٹ ایسٹرونومی کلب نے درگم چیرو کے قریب عوامی مشاہدے کا انتظام کیا۔ کلب کے صدر وینو گوپال نے طاقتور دوربین نصب کی جس کے ذریعے تقریباً 300 افراد نے گرہن کا قریب سے مشاہدہ کیا۔ ان کا کہنا تھا کہ ایسے پروگرام فلکیات کو کلاس روم سے نکال کر…
مزید پڑھیں »