تلنگانہ
تلنگانہ کی اہم خبریں — حیدرآباد سے ریاست بھر تک سیاست، سرکاری اسکیمیں، نوکریاں، موسم، حادثات اور عوامی مفاد کی فوری اپ ڈیٹس صرف وقارِ ہند پر۔
-
شہر کے مصروف علاقے حفیظ پیٹ میں اتوار کی صبح رُمان ہوٹل میں اچانک آتشزدگی نے خوف و ہراس پھیلا دیا۔ مقامی اطلاعات کے مطابق ہوٹل کے کچن میں اچانک آگ بھڑک اٹھی جس کے بعد شعلے تیزی سے پھیلتے چلے گئے۔ اطلاع ملتے ہی فائر بریگیڈ کی ٹیمیں فوری موقع پر پہنچیں اور تقریباً دو گھنٹے کی سخت کوشش کے بعد آگ پر قابو پالیا۔ فائر حکام کے مطابق ابتدائی شبہ ہے کہ واقعہ شارٹ سرکٹ کے باعث پیش آیا۔ کچن میں موجود تیل کی بڑی مقدار نے آگ کو مزید بھڑکا دیا، جس کی وجہ سے پورا کچن لمحوں میں شعلوں کی زد میں آگیا۔ آگ کی شدت اتنی زیادہ تھی کہ کچن کا تقریباً تمام سامان جل کر خاکستر ہوگیا۔ ہوٹل مالک نے بتایا کہ واقعے میں بھاری مالی نقصان ہوا ہے، تاہم خوش قسمتی سے کوئی جانی نقصان نہیں ہوا۔پولیس اور فائر ڈیپارٹمنٹ واقعے کی مزید…
مزید پڑھیں » -
صدرِ جمہوریہ دروپدی مرمو اپنے سرمائی تعطیلات کے سلسلے میں حیدرآباد کے دوروزہ دورے پر آرہی ہیں۔ وہ اپنے قیام کے دوران بولارم میں واقع راشٹرپتی نیلائم میں رہائش پذیر ہوں گی۔ صدر مرمو 21 نومبر کو خصوصی طیارے کے ذریعے بیگم پیٹ ایئرپورٹ پہنچیں گی، جہاں ان کا باضابطہ استقبال کیا جائے گا۔ شیڈول کے مطابق صدر مرمو دوپہر میں حیدرآباد پہنچیں گی اور شام کو راشٹرپتی نیلائم میں قیام کریں گی۔ ہر سال کی طرح اس مرتبہ بھی صدرِ جمہوریہ کی سرمائی چھٹیاں حیدرآباد میں گزارنے کی روایت برقرار رہے گی۔ دورے کے پیشِ نظر ریاستی انتظامیہ نے سخت سیکورٹی انتظامات کیے ہیں، اور تمام اہم مقامات پر سیکورٹی فورسز ہائی الرٹ پر رہیں گی۔ اپنے قیام کے دوران صدر مرمو بھارتیہ کلا مہوتسو میں شرکت کریں گی، جہاں وہ ملک بھر سے آئے ہوئے فنکاروں اور ثقافتی ٹیموں کی حوصلہ افزائی کریں گی۔ حکام کا کہنا ہے…
مزید پڑھیں » -
تلنگانہ کے جنگاؤں ضلع میں نڈگوڑہ کے قریب اتوار کی علی الصبح ایک خوفناک سڑک حادثہ پیش آیا۔ آر ٹی سی کی راجدھانی بس ایک ریت سے بھری کھڑی لاری سے زور دار ٹکر کا شکار ہوئی۔ ٹکر اتنی بھاری تھی کہ بس کا سامنے والا حصہ چکناچور ہوگیا اور کئی مسافر اندر ہی پھنس گئے۔ اس دلخراش حادثے میں دو مسافر موقع پر ہی جاں بحق ہوگئے۔ ان کی شناخت اوم پرکاش (75) ساکن ڈنڈگل حیدرآباد اور نو دیپ سنگھ ساکن بالاسمدرم ہنمکنڈہ کے طور پر ہوئی ہے۔ حادثے میں چھ مسافر شدید زخمی ہوئے جنہیں فوری طور پر جنگاؤں سرکاری ہاسپٹل منتقل کیا گیا۔ ڈاکٹروں کے مطابق بعض زخمیوں کی حالت تشویشناک ہے۔ حادثہ ہوتے ہی پولیس اور مقامی لوگ بڑی تعداد میں موقع پر پہنچ گئے۔ کرین اور ایمبولینس کی مدد سے ریسکیو آپریشن چلایا گیا اور بس میں پھنسے مسافروں کو باہر نکالا گیا۔ پولیس کے…
مزید پڑھیں » -
کانگریس رہنما راہل گاندھی نے چیف منسٹر اے۔ ریونت ریڈی کو جوبلی ہلز ضمنی انتخاب میں شاندار کامیابی دلانے پر بھرپور تعریف کی ہے۔ پارٹی ذرائع کے مطابق راہل گاندھی نے کہا کہ صرف دو سال میں جی ایچ ایم سی حدود میں کانگریس نے بی آر ایس سے دوسری نشست چھین کر واضح کر دیا ہے کہ عوام کا زور دار اعتماد حکومت کے ساتھ ہے۔ پچیس ہزار ووٹوں کی بڑی برتری اور بی جے پی کا ضبط شدہ ڈپازٹ اس بات کا ثبوت سمجھا جا رہا ہے۔ راہل گاندھی نے ریونت ریڈی اور ریاستی قیادت سے کہا کہ یہی جوش اور اتحاد برقرار رکھتے ہوئے لوکل باڈی انتخابات اور جی ایچ ایم سی الیکشن کی تیاری کریں۔ انہوں نے یقین ظاہر کیا کہ ریونت ریڈی کی قیادت میں کانگریس دونوں مقابلوں میں بھاری اکثریت سے کامیابی حاصل کر سکتی ہے۔ ریونت ریڈی نے ہائی کمان کو بتایا کہ…
مزید پڑھیں » -
جوبلی ہلز ضمنی انتخاب میں بی آر ایس کی شکست کے بعد پارٹی کی سابق رہنما کے کویتا کا مختصر مگر تیکھا ردعمل سامنے آیا۔ انہوں نے ایک معنی خیز پیغام میں کہا: کرما واپس آتا ہے۔ کویتہ، جو سابق وزیر اعلیٰ کے چندر شیکھر راؤ (کے سی آر) کی بیٹی ہیں، نے یہ تبصرہ اس وقت کیا جب برسرِ اقتدار کانگریس نے یہ نشست بی آر ایس سے چھین لی۔ یہ حلقہ بی آر ایس ایم ایل اے مگنٹی گوپناتھ کے انتقال کے بعد خالی ہوا تھا۔ بی آر ایس کے لیے یہ شکست اس لیے بھی بھاری جھٹکا سمجھی جا رہی ہے کہ پارٹی پہلے ہی اقتدار سے محرومی اور لوک سبھا انتخابات میں مکمل ناکامی سے گزر رہی ہے۔ کویتہ نے ستمبر میں پارٹی سے معطلی کے بعد بی آر ایس سے استعفیٰ دے دیا تھا۔ ان پر مبینہ غیر جماعتی سرگرمیوں کا الزام لگایا گیا تھا۔…
مزید پڑھیں » -
تلنگانہ میں بی آر ایس نے واضح کیا ہے کہ جوبلی ہلز ضمنی انتخاب میں شکست کے باوجود پارٹی کی جدوجہد کمزور نہیں ہوگی۔ پارٹی کے ورکنگ صدر کے ٹی راما راؤ نے کہا کہ بی آر ایس اپنی ذمہ داری نبھاتے ہوئے مضبوط اور فعال اپوزیشن کا کردار ادا کرتی رہے گی۔ کے ٹی آر نے محنتی کارکنوں اور لیڈروں کا شکریہ ادا کرتے ہوئے کہا کہ بی آر ایس نے اچھا ووٹ شیئر حاصل کیا اور ثابت کیا کہ وہ کانگریس کا اصل متبادل ہے۔ انہوں نے کہا کہ پارٹی امیدوار مگنتی سنیھتا نے پہلی بار انتخاب لڑتے ہوئے بہترین مقابلہ کیا۔ انہوں نے کہا، ہر اس ووٹر کا شکریہ جنہوں نے بی آر ایس پر بھروسہ کیا۔ ہم ہر انتخاب جیتنے کے ارادے سے لڑتے ہیں، اور اس نتیجے نے کارکنوں میں نئی توانائی پیدا کی ہے۔ کے ٹی آر نے مؤقف اختیار کیا کہ گزشتہ انتخاب…
مزید پڑھیں » -
تلنگانہ کے سنگاریڈی میں ایک افسوسناک واقعہ سامنے آیا جہاں ایک نشے میں دھت چوکیدار ہاسٹل کے باورچی خانے میں چاول کے برتن میں پاؤں ڈال کر سو گیا۔ یہ واقعہ اسماعیل خان پیٹ کے ایک پولی ٹیکنک کالج کے ہاسٹل میں پیش آیا۔ طلبہ جب دوپہر کے کھانے کیلئے میس پہنچے تو انہوں نے چوکیدار شیکھر کو چاول کے بڑے برتن میں پاؤں ڈالے بے ہوشی کی حالت میں پایا۔ طلبہ اور کالج انتظامیہ نے اسے جگانے کی کوشش کی لیکن وہ نہیں جاگا۔ واقعے کے بعد انتظامیہ نے چوکیدار کو فوراً برطرف کردیا۔ اس واقعے کی ویڈیو سوشل میڈیا پر تیزی سے وائرل ہو رہی ہے، جسے دیکھ کر والدین اور طلبہ میں شدید ناراضگی پائی جاتی ہے۔ گڈوال ہاسٹل میں فوڈ پوائزننگ، 54 طلبہ بیمار جوگلنبا گڈوال ضلع کے بی سی ہاسٹل میں ایک اور تشویشناک واقعہ پیش آیا، جہاں 54 طلبہ رات کا کھانا کھانے کے…
مزید پڑھیں » -
تلنگانہ میں حکمراں کانگریس پارٹی نے جوبلی ہلز اسمبلی نشست پر شاندار کامیابی حاصل کرتے ہوئے بی آر ایس کو واضح شکست دے دی۔ وی نوین یادو نے ۲۴،۷۲۹ ووٹوں کی تاریخ ساز برتری کے ساتھ مگنتی سنیہا کو مات دی، جو اس حلقے کی سب سے بڑی جیت قرار دی جا رہی ہے۔ نوین یادو نے ۹۸،۹۸۸ ووٹ حاصل کیے جبکہ بی آر ایس امیدوار سنیہا کو ۷۴،۲۵۹ ووٹ ملے۔ بی جے پی امیدوار دیپک ریڈی صرف ۱۷،۰۶۱ ووٹوں کے ساتھ تیسرے نمبر پر رہے اور ڈپازٹ ضبط ہوگیا۔ ضمنی انتخاب میں ۴۸.۴۹ فیصد پولنگ ہوئی۔ کل ۴،۰۱،۳۶۵ ووٹرز میں سے ۱،۹۴،۶۳۱ نے ووٹ ڈالے۔کانگریس نے ۵۰.۸۳ فیصد ووٹ حاصل کیے جبکہ بی آر ایس ۳۸.۱۳ فیصد اور بی جے پی محض ۸.۷۶ فیصد ووٹ لے سکی۔ انتخاب میں ۵۸ امیدوار میدان میں تھے، لیکن ۹۲۴ ووٹ NOTA کو ملے۔ یہ انتخاب مگنتی گویند ناتھ کی وفات کے بعد…
مزید پڑھیں » -
بھارت میں یومِ اطفال ہر سال 14 نومبر کو جوش و جذبے کے ساتھ منایا جاتا ہے۔ یہ دن چچا نہرو، یعنی بھارت کے پہلے وزیراعظم جواہر لال نہرو کی سالگرہ کے موقع پر منایا جاتا ہے۔ نہرو بچوں سے خاص محبت اور شفقت رکھتے تھے، اسی وجہ سے بچے انہیں پریم سے چچا نہرو کہتے تھے۔ نہرو کا ماننا تھا کہ بچے ملک کا روشن مستقبل ہیں، اور ان کی تعلیم، تربیت اور بہبود بھارت کی ترقی کے لیے ضروری ہے۔ ان کا ایک مشہور قول ہے:“آج کے بچے کل کا بھارت بنائیں گے۔ انہیں جس طرح ہم پروان چڑھائیں گے، ملک کا مستقبل ویسا ہی ہوگا۔” سن 1964 میں ان کے انتقال کے بعد، بھارتی پارلیمنٹ نے متفقہ فیصلہ کیا کہ ان کی سالگرہ کو یومِ اطفال کے طور پر منایا جائے، تاکہ ملک کے بچوں کے لیے ان کی سوچ اور محنت کو یاد رکھا جا سکے۔…
مزید پڑھیں » -
حیدرآباد کے تاریخی بیگم بازار میں سڑکوں کی مرمت کے تاخیر سے جاری کام نے شہریوں اور تاجروں کی مشکلات میں اضافہ کر دیا ہے۔ تلنگانہ کا سب سے بڑا تجارتی مرکز اب روزانہ بھاری ٹریفک جام کی زد میں ہے، جبکہ جی ایچ ایم سی حکام پر کام جلد مکمل کرنے کے لیے دباؤ بڑھ رہا ہے۔ یہ 400 سالہ قدیم بازار جس میں تقریباً دو ہزار دکانیں ہیں، روزانہ ہزاروں خریداروں اور گاڑیوں کے رش سے بھرا رہتا ہے۔ سڑکوں کی مرمت کے سبب لین سکڑ گئے ہیں، جس سے گاڑیوں کی آمدورفت میں دشواری ہو رہی ہے۔ ایک تاجر نے بتایا کہ یہاں روزانہ 30 ہزار سے زائد خریدار آتے ہیں اور 10 سے 30 کروڑ روپے تک کا کاروبار ہوتا ہے۔ لیکن سڑکوں کے کھدائی اور مرمت کے سبب سامان کی ترسیل میں رکاوٹ آرہی ہے اور کاروبار بری طرح متاثر ہوا ہے۔ جی ایچ ایم…
مزید پڑھیں »