تلنگانہ
تلنگانہ کی اہم خبریں — حیدرآباد سے ریاست بھر تک سیاست، سرکاری اسکیمیں، نوکریاں، موسم، حادثات اور عوامی مفاد کی فوری اپ ڈیٹس صرف وقارِ ہند پر۔
-
تلنگانہ کے وکاری آباد ضلع میں ایک افسوسناک واقعہ پیش آیا، جہاں 60 سالہ اے ایس آئی دیوی سنگھ واٹر ٹینکر کی ٹکر سے موقع پر ہی جاں بحق ہوگئے۔ یہ حادثہ بشیرآباد پولیس اسٹیشن کے ماتحت علاقے پی ایس ای گارڈنز کے قریب پیش آیا۔سی سی ٹی وی فوٹیج میں دیکھا گیا کہ اے ایس آئی دیوی سنگھ سڑک کے کنارے کھڑے تھے، اسی دوران ایک واٹر ٹینکر گزرتے ہوئے انہیں ٹکر مار گیا۔ ساتھی پولیس اہلکار فوراً مدد کے لیے دوڑے، لیکن اے ایس آئی دیوی سنگھ موقع پر ہی دم توڑ گئے۔پولیس نے ٹینکر ڈرائیور کے خلاف مقدمہ درج کرلیا ہے اور واقعہ کی تفتیش جاری ہے۔ یہ واقعہ پولیس محکمے میں غم و افسوس کی لہر کا باعث بن گیا ہے۔
مزید پڑھیں » -
تلنگانہ کے بھدرادری کتہ گوڈم ضلع کے منوگورو علاقے میں ہفتے کو کانگریس اور بی آر ایس کارکنوں کے درمیان شدید تصادم پیش آیا۔ اطلاعات کے مطابق، کانگریس کے مشتعل کارکنوں نے بی آر ایس کے دفتر پر حملہ کرتے ہوئے وہاں توڑ پھوڑ مچائی۔ حملہ آوروں نے فرنیچر کو آگ لگا دی، فلیکس بورڈز پھاڑ دیے اور بی آر ایس کے جھنڈے کو ہٹا کر کانگریس کا پرچم لگا دیا۔ ذرائع کے مطابق، کارکن پہلے سے ہی کانگریس کے اسٹیکرز، فلیکس اور رنگ ساتھ لائے تھے تاکہ دفتر پر قبضے کے بعد فوری پارٹی کی شناخت تبدیل کی جا سکے۔ اس واقعے کے دوران آگ لگنے سے نزدیکی گھروں میں شارٹ سرکٹ ہوا، جس سے گھریلو سامان کو نقصان پہنچا۔ واقعہ کے بعد علاقے میں سخت کشیدگی پھیل گئی اور پولیس فورس کو حالات قابو میں لانے کے لیے تعینات کر دیا گیا۔ مقامی رہائشیوں نے مطالبہ کیا ہے…
مزید پڑھیں » -
حیدرا حکام نے میاں پور کے علاقے میں سرکاری اراضی پر تعمیر غیر قانونی عمارت کو منہدم کر دیا۔ یہ کارروائی پی جے آر روڈ کے قریب سیری لنگم پلی–امین پور کے سرحدی علاقے میں انجام دی گئی۔ اطلاعات کے مطابق یہ پانچ منزلہ عمارت سروے نمبر 101 میں واقع سرکاری زمین پر تقریباً 800 گز رقبے پر غیر قانونی طور پر تعمیر کی گئی تھی۔ حکام کا کہنا ہے کہ بلڈر نے دھوکے سے نجی اراضی کے سروے نمبروں کا سہارا لے کر حکومتی زمین پر قبضہ کیا۔ مقامی شہریوں نے اس تعمیر کے خلاف جاوانی پروگرام کے ذریعے شکایت درج کرائی تھی، جس کے بعد حیدرا ٹیم نے فوری کارروائی کرتے ہوئے عمارت کو زمین بوس کر دیا۔ تاہم عوامی سطح پر یہ سوال اٹھایا جا رہا ہے کہ اتنی بڑی عمارت کی تعمیر کے دوران حمڈا (حیدرآباد میٹروپولیٹن ڈیولپمنٹ اتھارٹی) کے حکام خاموش کیوں رہے؟ اور بروقت…
مزید پڑھیں » -
تلنگانہ میں حج 2026 کے لیے ریکارڈ درخواستوں کے بعد ریاستی حج کمیٹی نے وزیر اعلیٰ ریونت ریڈی سے مطالبہ کیا ہے کہ وہ مرکزی وزارتِ اقلیتی امور سے اضافی کوٹے کی درخواست کریں۔ رواں سال 11,757 آن لائن درخواستیں موصول ہوئیں، جن میں سے 4,292 افراد کا انتخاب ڈیجیٹل قرعہ اندازی کے ذریعے کیا گیا، جبکہ 7,465 امیدواروں کو ویٹنگ لسٹ میں رکھا گیا۔ بعد میں 2,848 درخواست گزاروں کو منظوری ملی، مگر اب بھی 4,617 عازمین انتظار میں ہیں۔ حج کمیٹی کے چیئرمین سید غلام افضل بیابانی نے بتایا کہ کئی افراد زندگی کا خواب حج کی سعادت حاصل کرنے کے منتظر ہیں۔ اگر کوٹے میں اضافہ کیا گیا تو باقی امیدوار بھی حج 2026 میں شامل ہو سکیں گے۔ انہوں نے مزید کہا کہ اوقاف اداروں کی رجسٹریشن کی آخری تاریخ 6 دسمبر 2025 سے چھ ماہ بڑھانے کی بھی اپیل کی گئی ہے، جس پر وزیر…
مزید پڑھیں » -
حیدرآباد ڈیزاسٹر ریسپانس اینڈ ایسٹس پروٹیکشن ایجنسی (ہائیڈرا) نے پوچارم میں بڑی کارروائی کرتے ہوئے پارک کی زمین پر سے قبضہ ختم کرایا۔ یہ زمین 4,000 مربع گز پر مشتمل تھی جسے غیر قانونی طور پر پلاٹس میں بدل کر فروخت کیا گیا تھا۔ اس کی بازاری قیمت تقریباً 30 کروڑ روپے بتائی جا رہی ہے۔ تفصیلات کے مطابق ڈاکٹرز کالونی میں 1985 میں 26.9 ایکڑ پر مشتمل 500 پلاٹس پر ایک لے آؤٹ بنایا گیا تھا۔ بعد میں امدولا رمیش اور ان کے اہل خانہ نے اسی زمین میں سے پارک کے لیے مخصوص 4,000 گز علاقے کو جعلی دستاویزات کے ذریعے پلاٹس میں بدل کر کلکرنی نامی شخص کو فروخت کیا۔ کلکرنی نے بعد میں اسے 20 پلاٹس میں تقسیم کر کے کئی لوگوں کو بیچ دیا۔ معاملہ برسوں تک عدالت اور بلدیہ میں زیرِ التوا رہا، تاہم ڈاکٹرز کالونی ویلفیئر ایسوسی ایشن کی شکایت پر ہائیڈرا نے…
مزید پڑھیں » -
حیدرآباد کے بشیر باغ پریس کلب میں سماجی کارکنوں اور وکلاء نے نظام آباد قتل کیس کی تحقیقات میں بے ضابطگیوں پر شدید تشویش کا اظہار کرتے ہوئے سی بی آئی تحقیقات کا مطالبہ کیا۔یہ مطالبہ کنسرنڈ سٹیزنز فورم کے تحت پیش کیا گیا، جس نے کانسٹیبل پرمود کمار کے قتل اور شیخ ریاض کے مبینہ پولیس انکاؤنٹر پر اپنی حقائق پر مبنی رپورٹ جاری کی۔ کارکنوں کا کہنا ہے کہ 19 اور 20 اکتوبر کی درمیانی شب ہونے والا شیخ ریاض کا انکاؤنٹر دراصل ایک حراستی قتل ہے، جس کے ذریعے جعلی کرنسی ریکٹ کو چھپانے کی کوشش کی جا رہی ہے۔خالده پروین نے سوال اٹھایا کہ جب پرمود ڈیوٹی پر نہیں تھے تو انہیں بغیر اسلحہ کے ریاض کو پکڑنے کیوں بھیجا گیا؟ اور اتنی مصروف جگہ پر قتل کا کوئی گواہ کیوں نہیں؟ کارکنوں نے دعویٰ کیا کہ ریاض نے حال ہی میں ایک بائیک خریدی تھی،…
مزید پڑھیں » -
حیدرآباد کے ملکا جیڑی علاقے کے گوتم نگر میں جمعرات کی صبح تقریباً گیارہ بجے ایک بڑا پتھر اچانک پہاڑی سے نیچے لڑھک گیا۔ خوش قسمتی سے کوئی جانی نقصان نہیں ہوا۔ پتھر نیچے کھڑی جی ایچ ایم سی کی کچرے کی ٹرالی پر گرا اور مکمل طور پر تباہ ہوگئی۔ واقعے کی اطلاع ملتے ہی ہائیڈرا کی آفات سے نمٹنے والی فورس کی ٹیم فوراً موقع پر پہنچی اور جی ایچ ایم سی کے عملے کے ساتھ مل کر بھاری مشینری کی مدد سے پتھر کو ٹکڑوں میں توڑ کر رات ساڑھے نو بجے تک راستہ صاف کردیا۔ یہ پہلی بار نہیں ہے کہ اس علاقے میں پتھر گرنے کا واقعہ پیش آیا ہو۔ مقامی رہائشیوں نے بتایا کہ مئی میں بھی اسی طرح کا واقعہ شدید بارشوں کے دوران ہوا تھا۔ پہاڑی کے اوپر صفائی ملازمین کی عارضی جھونپڑیاں تھیں، جنہیں ہائیڈرا نے جولائی میں منتقل کر دیا…
مزید پڑھیں » -
سابق بھارتی کرکٹ کپتان اور سینئر کانگریس رہنما محمد اظہرالدین نے تلنگانہ حکومت میں وزیر کے طور پر حلف اٹھا لیا۔یہ تقریب راج بھون حیدرآباد میں منعقد ہوئی جہاں گورنر جِشنو دیو ورما نے ان سے وزارت کا حلف لیا۔تقریب میں چیف منسٹر ریونت ریڈی اور دیگر وزراء بھی موجود تھے۔ اظہرالدین کو گورنر کوٹے کے تحت ایم ایل سی نامزد کیے جانے کے بعد کابینہ میں شامل کیا گیا۔ان کی شمولیت کے بعد کابینہ میں کل 16 وزراء ہو گئے ہیں اور وہ واحد مسلم وزیر ہیں۔ یہ تقرری ایسے وقت میں ہوئی ہے جب جوبلی ہلز ضمنی انتخاب قریب ہے، جو اقلیتی ووٹ بینک کے باعث انتہائی اہم سمجھا جاتا ہے۔سیاسی مبصرین کا کہنا ہے کہ اظہرالدین کی آمد کانگریس کے لیے مثبت اشارہ ثابت ہو سکتی ہے۔ اظہرالدین نے 1984 میں انٹرنیشنل کرکٹ ڈیبیو کیا اور ابتدائی تین ٹیسٹ میچوں میں مسلسل سنچریاں بنا کر سب کو…
مزید پڑھیں » -
تلنگانہ کے وزیراعلیٰ ریونت ریڈی نے طوفان "مونتھا” سے متاثرہ کسانوں کے لیے بڑی مالی امداد کا اعلان کیا ہے۔ وزیراعلیٰ نے کہا کہ فصلوں کو نقصان پہنچنے والے کسانوں کو فی ایکڑ 10 ہزار روپے معاوضہ دیا جائے گا۔ وزیراعلیٰ نے وارنگل اور حسن آباد کے سیلاب زدہ علاقوں کا فضائی معائنہ کیا، اس کے بعد انہوں نے اعلان کیا کہ سیلاب میں جاں بحق ہونے والے افراد کے اہل خانہ کو 5 لاکھ روپے ایکس گریشیا دیا جائے گا۔ مزید برآں، جن گھروں میں پانی داخل ہوا ہے، ان خاندانوں کو 15 ہزار روپے دیے جائیں گے۔وزیراعلیٰ نے کہا کہ اندراما ہاؤسنگ اسکیم کے تحت شدید متاثرہ خاندانوں کو نئے گھر فراہم کیے جائیں گے، اور جن کسانوں کے مویشی یا کھڑی فصلیں ضائع ہوئیں انہیں بھی خصوصی امداد دی جائے گی۔ محکمہ زراعت کی ابتدائی رپورٹ کے مطابق، طوفان مونتھا سے 4.47 لاکھ ایکڑ پر کھڑی فصلیں…
مزید پڑھیں » -
طوفان مونتھا نے تلنگانہ کو شدید متاثر کر دیا۔ مسلسل دو دن کی موسلا دھار بارشوں سے ورنگل، کھمم، نلگنڈہ اور ناگرکرنول کے کئی علاقے زیرِ آب آ گئے۔ اب تک 12 افراد ہلاک، 4 لاپتہ اور تقریباً 4.47 لاکھ ایکڑ زرعی زمین تباہ ہو چکی ہے۔ شدید بارشوں سے ندی نالے اُبل پڑے، اور ہزاروں ایکڑ کھڑی فصلیں برباد ہو گئیں۔ دھان کے ذخائر بھی بہہ گئے جس سے کسانوں کو بھاری نقصان پہنچا۔ کئی مقامات پر سڑکیں ٹوٹ گئیں اور درجنوں دیہات کا رابطہ منقطع ہو گیا۔ ورنگل میں 45 کالونیوں میں گھروں میں پانی بھر گیا، 25 کالونیاں مکمل طور پر زیرِ آب ہیں۔ امدادی ٹیمیں کشتیوں کے ذریعے لوگوں کو نکال رہی ہیں اور اب تک 2,000 سے زائد افراد کو محفوظ مقامات پر منتقل کیا جا چکا ہے۔وزیر کونڈا شوریکا، ایم پی کاویا، ایم ایل اے نینی راجندر ریڈی اور میئر سدھارانی نے متاثرہ علاقوں…
مزید پڑھیں »