جے جیہے تلنگانہ نصاب میں، آنڈے سری کے خاندان کو نوکری ریونت ریڈی کا اعلان

تلنگانہ کے وزیرِ اعلیٰ ریونت ریڈی نے اعلان کیا ہے کہ مشہور شاعر اور گیت نگار آنڈے سری کا مشہور ترانہ جے جیہے تلنگانہ اب اسکول کے نصاب میں شامل کیا جائے گا، جب کہ ان کے خاندان کے ایک فرد کو سرکاری ملازمت دی جائے گی۔

وزیرِ اعلیٰ ریونت ریڈی نے آنڈے سری کے انتقال کو تلنگانہ معاشرے کے لیے ناقابلِ تلافی نقصان قرار دیا۔ گھٹکیسر میں میڈیا سے گفتگو کرتے ہوئے انہوں نے کہا کہ آنڈے سری کے لکھے ہوئے اشعار عوام کی زندگی سے جڑے ہوئے تھے اور ان کے گیتوں میں تلنگانہ کی روح بستی تھی۔

ریونت ریڈی نے کہا، ’’انہوں نے عوام کی زندگی، جدوجہد اور احساسات کو الفاظ میں ڈھالا۔ ہر لفظ میں تلنگانہ کی خوشبو تھی۔‘‘

وزیرِ اعلیٰ نے مزید بتایا کہ آنڈے سری کی مشہور تصنیف "نِپّل واگو” کو ریاست کی تمام عوامی لائبریریوں میں شامل کیا جائے گا تاکہ ان کے ادبی خدمات کو خراجِ عقیدت پیش کیا جا سکے۔

ریونت ریڈی نے کہا کہ آنڈے سری ایک ایسے شخص تھے جنہوں نے اپنی زندگی عوام کے نام وقف کر دی، اور ان کی یاد ہمیشہ تلنگانہ کے دل میں زندہ رہے گی۔