جوبلی ہلز ضمنی انتخاب کانگریس کی تاریخی جیت
تلنگانہ میں حکمراں کانگریس پارٹی نے جوبلی ہلز اسمبلی نشست پر شاندار کامیابی حاصل کرتے ہوئے بی آر ایس کو واضح شکست دے دی۔ وی نوین یادو نے ۲۴،۷۲۹ ووٹوں کی تاریخ ساز برتری کے ساتھ مگنتی سنیہا کو مات دی، جو اس حلقے کی سب سے بڑی جیت قرار دی جا رہی ہے۔
نوین یادو نے ۹۸،۹۸۸ ووٹ حاصل کیے جبکہ بی آر ایس امیدوار سنیہا کو ۷۴،۲۵۹ ووٹ ملے۔ بی جے پی امیدوار دیپک ریڈی صرف ۱۷،۰۶۱ ووٹوں کے ساتھ تیسرے نمبر پر رہے اور ڈپازٹ ضبط ہوگیا۔
ضمنی انتخاب میں ۴۸.۴۹ فیصد پولنگ ہوئی۔ کل ۴،۰۱،۳۶۵ ووٹرز میں سے ۱،۹۴،۶۳۱ نے ووٹ ڈالے۔
کانگریس نے ۵۰.۸۳ فیصد ووٹ حاصل کیے جبکہ بی آر ایس ۳۸.۱۳ فیصد اور بی جے پی محض ۸.۷۶ فیصد ووٹ لے سکی۔
انتخاب میں ۵۸ امیدوار میدان میں تھے، لیکن ۹۲۴ ووٹ NOTA کو ملے۔
یہ انتخاب مگنتی گویند ناتھ کی وفات کے بعد ہوا۔ بی آر ایس نے ہمدردی کی لہر پر بھروسہ کرتے ہوئے ان کی اہلیہ کو امیدوار بنایا، لیکن حکمت عملی ناکام رہی۔
یہ کانگریس کی ۲۰۲۳ کے بعد دوسری ضمنی جیت ہے، جس سے اسمبلی میں اس کی تعداد ۶۶ تک پہنچ گئی۔
جوبلی ہلز میں جیت نے گریٹر حیدرآباد میں بھی کانگریس کا حوصلہ بڑھا دیا، جہاں ۲۰۲۳ میں اسے ایک بھی نشست نہیں ملی تھی۔
وزیراعلیٰ ریونت ریڈی اور کابینہ نے بھرپور مہم چلائی جبکہ بی آر ایس اسے حکومت کی کارکردگی پر ریفرنڈم قرار دے رہی تھی، مگر نتیجہ پارٹی کیلئے بڑا دھچکہ بن گیا۔
