ٹرمپ کا دعویٰ امریکا کا امن فارمولہ قبول کرنے میں یوکرین جھجک رہا ہے
سابق امریکی صدر ڈونالڈ ٹرمپ نے دعویٰ کیا ہے کہ یوکرین کے صدر ولادیمیر زلینسکی اس وقت تک امریکا کے تیار کردہ امن منصوبے پر دستخط کرنے کے لیے تیار نہیں ہیں، جو روس۔یوکرین جنگ کے خاتمے کی کوششوں کا حصہ ہے۔ ٹرمپ کے مطابق، تین روزہ مذاکرات کے باوجود یوکرین کی قیادت نے اب تک اس تجویز پر حتمی رائے نہیں دی۔
ٹرمپ نے میڈیا سے بات کرتے ہوئے کہا کہ زلینسکی نے ابھی تک دستاویز نہیں پڑھی، ان کے اپنے لوگ منصوبے کو پسند کرتے ہیں، مگر وہ خود تیار نہیں۔ انہوں نے دعویٰ کیا کہ روس کو اس فارمولے پر زیادہ اعتراض نہیں، لیکن یوکرین کی قیادت رکاوٹ بنی ہوئی ہے۔
دوسری جانب روسی حکومت نے امریکہ کی نئی قومی سلامتی پالیسی کا خیرمقدم کیا ہے، جس میں بات چیت، تعاون اور تعلقات بہتر بنانے کے نکات شامل ہیں۔ کریملن کے ترجمان دیمتری پیسکوف نے کہا کہ اس میں روس کے مؤقف سے ملتے جلتے نکات موجود ہیں اور امید ہے کہ یوکرین تنازع پر تعمیری پیش رفت ہوگی۔
ادھر، جنگ بندی کے مذاکرات کے دوران بھی روس کے میزائل اور ڈرون حملے جاری رہے جن میں چار افراد ہلاک اور کئی زخمی ہوئے۔ یوکرینی حکام کے مطابق روس مسلسل بجلی اور پانی کا نظام تباہ کرکے عوام کو مشکلات میں ڈالنا چاہتا ہے۔
