قومی
بھارت کی تازہ قومی خبریں — سیاست، پارلیمنٹ، معاشی پالیسیاں، سرکاری فیصلے، حادثات اور عوامی اہمیت کی براہِ راست اپ ڈیٹس وقارِ ہند پر۔
-
نیپال میں سوشل میڈیا پر عارضی پابندی کے بعد شروع ہونے والے شدید احتجاج نے ملک کو بحران میں ڈال دیا ہے۔ دو روزہ پُرتشدد مظاہروں کے نتیجے میں وزیراعظم کے پی شرما اولی نے استعفیٰ دے دیا جبکہ دارالحکومت کٹھمنڈو میں فوج تعینات کر دی گئی ہے۔ وزارت صحت کے مطابق اب تک 25 افراد ہلاک اور 600 سے زائد زخمی ہو چکے ہیں۔ فوجی دستوں نے بدھ کے روز سڑکوں پر گشت کیا اور شہریوں کو گھروں میں رہنے کی ہدایت دی۔ مشتعل مظاہرین نے سرکاری عمارتوں، پارلیمنٹ ہاؤس، ایوانِ صدر اور وزیراعظم ہاؤس کو آگ لگا دی جبکہ سب سے بڑے میڈیا ادارے کانتی پور کے دفتر کو بھی نشانہ بنایا گیا۔ احتجاجی نمائندوں نے فوجی قیادت سے ملاقات میں ایک عبوری وزیراعظم کے تقرر پر بات چیت کی اور سابق چیف جسٹس سشیلہ کرکی کا نام پیش کیا، تاہم کچھ مظاہرین نے اس تجویز کی مخالفت…
مزید پڑھیں » -
تلنگانہ کے گروپ۔1 امتحانات میں بے ضابطگیوں اور شکوک و شبہات کو اجاگر کرنے میں صرف روزنامہ ’’نمستے تلنگانہ‘‘ نے جرات مندانہ کردار ادا کیا۔ یہ اخبار نہ صرف بے روزگار نوجوانوں کی آواز بنا بلکہ امتحانات کے نتائج اور رینکنگ میں سامنے آنے والی سنگین خامیوں کو بھی منظرِ عام پر لایا۔ 10 مارچ کو تلنگانہ پبلک سروس کمیشن نے گروپ۔1 امتحانات کے نتائج کا اعلان کیا۔ اس کے بعد امیدواروں نے الزام لگایا کہ انگریزی میڈیم کے طلبہ کو زیادہ نمبر دیے گئے جبکہ تلگو میڈیم کے امیدواروں کے ساتھ ناانصافی ہوئی۔ کمیشن نے ٹاپرز کی فہرست شائع نہیں کی اور صرف امیدواروں کو اپنے لاگ اِن کے ذریعے نمبر دیکھنے کا موقع دیا۔ بعد میں تحقیقات سے معلوم ہوا کہ ٹاپ 100 امیدواروں میں اکثریت چند مخصوص مراکز سے تعلق رکھتی ہے، جبکہ درجنوں امتحانی مراکز سے کوئی بھی امیدوار کامیاب نہیں ہوا۔ مزید یہ کہ بعض…
مزید پڑھیں » -
وزیراعظم نریندر مودی نے بدھ کے روز قطر کے امیر شیخ تمیم بن حمد الثانی سے ٹیلی فون پر بات چیت کے دوران دوحہ پر حالیہ اسرائیلی فضائی حملوں کی شدید مذمت کی اور انہیں قطر کی خودمختاری کی سنگین خلاف ورزی قرار دیا۔ وزارت خارجہ کے مطابق، وزیراعظم نے خطے میں امن و استحکام کے فروغ میں قطر کے کردار کو سراہا، خاص طور پر غزہ میں جنگ بندی اور قیدیوں کی رہائی کے لیے قطر کی ثالثی کی کوششوں کی تعریف کی۔ انہوں نے زور دیا کہ تمام تنازعات کو مذاکرات اور سفارتکاری کے ذریعے حل کیا جانا چاہیے اور خطے میں کشیدگی کو بڑھنے سے روکا جائے۔ شیخ تمیم نے وزیراعظم مودی کا شکریہ ادا کیا اور کہا کہ قطر کے عوام بھارت کی یکجہتی کو قدر کی نگاہ سے دیکھتے ہیں۔ واضح رہے کہ اسرائیلی حملے میں حماس کے پانچ اراکین ہلاک ہوئے، تاہم حماس نے…
مزید پڑھیں » -
پٹنہ: اسمبلی انتخابات سے قبل بہار کو بڑا تحفہ دیتے ہوئے مرکزی حکومت نے بدھ کے روز 7,616 کروڑ روپے مالیت کے دو اہم منصوبوں کو منظوری دے دی۔ ان منصوبوں میں قومی شاہراہ اور ریلوے لائن کی توسیع شامل ہے جو نہ صرف ریاست کی ترقی میں سنگ میل ثابت ہوں گے بلکہ روزگار کے ہزاروں مواقع بھی پیدا کریں گے۔ وفاقی وزیر اطلاعات و نشریات اشونی ویشنو کے مطابق پہلا منصوبہ بکسّر۔بھاگلپور قومی شاہراہ کے مکامہ۔مونگیر حصے کی 82 کلومیٹر لمبی گرین فیلڈ سڑک کی تعمیر ہے، جس پر 4,447 کروڑ روپے لاگت آئے گی۔ دوسرا منصوبہ 177 کلومیٹر طویل بھاگلپور۔ڈمکا۔رامپورہاٹ ریلوے لائن کو دوہرا کرنے کا ہے، جس پر 3,169 کروڑ روپے خرچ ہوں گے۔ دونوں منصوبے تین سال میں مکمل کرنے کا ہدف رکھا گیا ہے۔ سرکاری اعلامیے کے مطابق چار رویہ قومی شاہراہ منصوبہ تقریباً 14.83 لاکھ یومیہ براہِ راست اور 18.46 لاکھ یومیہ بالواسطہ…
مزید پڑھیں » -
حیدرآباد: نیپال میں جاری ہنگامہ آرائی اور کشیدہ حالات کے پیشِ نظر تلنگانہ حکومت نے دہلی میں واقع تلنگانہ بھون میں ایک خصوصی ایمرجنسی ہیلپ لائن قائم کی ہے تاکہ وہاں پھنسے شہریوں کی مدد کی جا سکے۔ سرکاری عہدیداروں کے مطابق اب تک کسی بھی تلنگانہ شہری کے زخمی یا لاپتہ ہونے کی اطلاع نہیں ملی ہے۔ حکومت نے واضح کیا ہے کہ اس ہیلپ لائن کا مقصد نہ صرف نیپال میں موجود شہریوں کو سہولت فراہم کرنا ہے بلکہ ریاست میں ان کے اہل خانہ کو بھی اطمینان دلانا ہے۔ تلنگانہ حکومت نے بتایا کہ وہ وزارتِ خارجہ اور کھٹمنڈو میں بھارتی سفارتخانے سے قریبی رابطے میں ہے تاکہ شہریوں کی حفاظت یقینی بنائی جا سکے اور ضرورت پڑنے پر ان کی واپسی کا بندوبست بھی کیا جا سکے۔ عوام سے اپیل کی گئی ہے کہ صرف سرکاری ہدایات پر عمل کریں اور غیر مصدقہ خبروں سے گریز…
مزید پڑھیں » -
کٹھمنڈو: نیپال میں نوجوانوں کی تحریک نے ملک کی سیاست کو ہلا کر رکھ دیا ہے۔ یہ تحریک ابتدا میں انصاف کے پُرامن مطالبے کے طور پر شروع ہوئی تھی، مگر حکومت کے جابرانہ رویے کے بعد حالات قابو سے باہر ہو گئے۔ 8 ستمبر کی رات نیپال کی تاریخ کی سیاہ ترین رات ثابت ہوئی۔ ایک پُرامن ریلی پر گولی چلائی گئی جس میں 19 نوجوان جاں بحق اور 500 سے زائد زخمی ہوئے۔ جاں بحق ہونے والوں میں اسکول اور کالج کے طلبہ بھی شامل تھے۔ اس واقعے نے پورے ملک کو غم اور غصے میں مبتلا کر دیا۔ اگلے ہی دن نوجوانوں نے کرفیو کو توڑتے ہوئے سڑکوں پر احتجاج کیا۔ دباؤ بڑھنے کے نتیجے میں کئی وزرا نے استعفیٰ دے دیا اور بالآخر 9 ستمبر کو وزیراعظم کے پی شرما اولی بھی عہدے سے مستعفی ہو گئے۔ اب فوج نے سکیورٹی کی ذمہ داری سنبھال لی…
مزید پڑھیں » -
بھارت اور امریکہ کے درمیان تجارتی کشیدگی کم کرنے کی کوششیں تیز ہو گئیں۔ وزیراعظم نریندر مودی نے کہا ہے کہ نئی دہلی اور واشنگٹن کی ٹیمیں تجارتی مذاکرات کو جلد از جلد مکمل کرنے پر کام کر رہی ہیں تاکہ اضافی محصولات کے دباؤ کو کم کیا جا سکے۔ وزیراعظم مودی نے سابق امریکی صدر ڈونلڈ ٹرمپ کی تجارتی مذاکرات سے متعلق پوسٹ کا جواب دیتے ہوئے کہا کہ "بھارت اور امریکہ قریبی دوست اور قدرتی شراکت دار ہیں، مجھے یقین ہے کہ یہ مذاکرات دونوں ممالک کے درمیان لامحدود صلاحیت کو کھولنے کی راہ ہموار کریں گے۔” مودی نے مزید کہا کہ وہ صدر ٹرمپ سے بات کرنے کے منتظر ہیں تاکہ دونوں ملک عوام کے روشن اور خوشحال مستقبل کے لیے مل کر کام کر سکیں۔ واضح رہے کہ گزشتہ ماہ ٹرمپ نے بھارتی مصنوعات پر محصولات کو 50 فیصد تک بڑھا دیا تھا، جس میں روسی…
مزید پڑھیں » -
حیدرآباد: تلنگانہ کے وزیراعلیٰ اے ریونت ریڈی نے منگل کے روز مرکزی وزیر خزانہ نرملا سیتا رمن سے ملاقات کی اور ریاست میں تعمیر ہونے والے ینگ انڈیا انٹیگریٹڈ ریزیڈنشیل اسکولز کے لئے ایک خصوصی کارپوریشن قائم کرنے کی اجازت طلب کی۔ انہوں نے کہا کہ تعلیمی اخراجات کو خرچ نہیں بلکہ سرمایہ کاری سمجھا جانا چاہیے، اس لئے ان منصوبوں کے لئے حاصل کردہ قرضوں کو ایف آر بی ایم کی حد سے مستثنیٰ کیا جائے۔ وزیراعلیٰ نے بتایا کہ ریاست کی 105 اسمبلی حلقوں میں ایسے اسکول تعمیر کیے جارہے ہیں، جن پر تقریباً 21 ہزار کروڑ روپے خرچ ہوں گے۔ مزید 9 ہزار کروڑ روپے جونیئر کالجز، ڈگری کالجز، ٹیکنیکل اداروں اور یونیورسٹیوں کو جدید لیبارٹریز اور انفراسٹرکچر فراہم کرنے پر خرچ کیے جائیں گے۔ ریونت ریڈی نے کہا کہ ہر اسکول میں 2,560 طلبہ کے قیام کی گنجائش ہوگی، جس سے تقریباً 2.7 لاکھ طلبہ کو…
مزید پڑھیں » -
کھٹمنڈو: نیپال میں پرتشدد مظاہروں کے دوران ایک افسوسناک واقعہ پیش آیا جہاں سابق وزیراعظم جھالا ناتھ کھنال کی اہلیہ راجیہ لکشمی چترکار مظاہرین کے ہاتھوں زندہ جل گئیں۔ مظاہرین نے دارالحکومت کھٹمنڈو کے علاقے ڈالو میں ان کے گھر کو آگ لگا دی، جس کے باعث وہ جھلس کر شدید زخمی ہو گئیں۔ انہیں فوری طور پر کیرتی پور برن اسپتال منتقل کیا گیا مگر وہ جانبر نہ ہو سکیں۔ یہ ہلاکت اس وقت ہوئی جب سوشل میڈیا پر پابندی کے خلاف شروع ہونے والے مظاہرے شدت اختیار کر گئے۔ وزیراعظم کے پی شرما اولی کا گھر بھی نذر آتش کر دیا گیا، جس کے بعد انہوں نے اپنے عہدے سے استعفیٰ دے دیا۔ مظاہرین نے پارلیمنٹ اور دیگر رہنماؤں کے گھروں کو بھی آگ لگا دی، جبکہ کھٹمنڈو کا ہوائی اڈہ بند کر دیا گیا۔ فوجی ہیلی کاپٹروں کے ذریعے وزیروں کو محفوظ مقامات پر منتقل کیا گیا۔…
مزید پڑھیں » -
این ڈی اے (نیشنل ڈیموکریٹک الائنس) کے امیدوار سی پی رادھا کرشن منگل کے روز نائب صدرِ جمہوریہ بھارت منتخب ہوگئے۔ انہوں نے اپوزیشن امیدوار جسٹس بی سودرشن ریڈی کو شکست دی۔ انتخابات میں سی پی رادھا کرشن نے 152 ووٹوں کی برتری حاصل کی اور نائب صدر بننے کے لیے درکار 377 ووٹوں کی حد عبور کرلی۔ راجیہ سبھا کے سیکریٹری جنرل پی سی موڈی کے مطابق رادھا کرشن کو 452 پہلی ترجیحی ووٹ ملے، جب کہ اپوزیشن امیدوار جسٹس سودرشن ریڈی کو 300 ووٹ حاصل ہوئے۔ دلچسپ بات یہ ہے کہ اپوزیشن کے 315 ارکانِ پارلیمنٹ ووٹنگ کے لیے موجود تھے۔ انتخابی عمل صبح 10 بجے شروع ہوا اور شام 5 بجے تک جاری رہا، جب کہ ووٹوں کی گنتی شام 6 بجے شروع ہوئی۔ اس وقت بھارتی پارلیمنٹ میں کل 781 اراکین ہیں، جن میں 542 لوک سبھا کے اور 239 راجیہ سبھا کے اراکین شامل ہیں۔…
مزید پڑھیں »