قومی
بھارت کی تازہ قومی خبریں — سیاست، پارلیمنٹ، معاشی پالیسیاں، سرکاری فیصلے، حادثات اور عوامی اہمیت کی براہِ راست اپ ڈیٹس وقارِ ہند پر۔
-
پارلیمانی قائمہ کمیٹی نے سماجی رابطہ ذرائع اور ڈیجیٹل پلیٹ فارموں کے ضابطوں پر غور کے لیے اہم اجلاس طلب کر لیا ہے۔ اجلاس تین اگست کو منعقد ہوگا، جس میں مختلف بڑی ٹیکنالوجی کمپنیوں کے نمائندوں کے ساتھ الیکٹرانکس و اطلاعاتی ٹیکنالوجی کی وزارت اور وزارت داخلہ کے اعلیٰ حکام بھی شریک ہوں گے۔ پارلیمانی قائمہ کمیٹی برائے مواصلات و اطلاعاتی ٹیکنالوجی کے سربراہ نشیکانت دوبے نے بتایا کہ اجلاس میں بڑی کمپنیوں سے یہ وضاحت طلب کی جائے گی کہ وہ خواتین، بچوں، کسانوں، دیہی آبادی، مزدوروں اور عام شہریوں کی رازداری کے تحفظ کے لیے کیا اقدامات کر رہی ہیں۔ اس کے علاوہ یہ بھی جانا جائے گا کہ یہ پلیٹ فارم امن و امان برقرار رکھنے میں حکومت کے ساتھ کس حد تک تعاون کرتے ہیں۔ یہ اجلاس ایسے وقت میں ہو رہا ہے جب حالیہ دنوں میں طلبہ احتجاج کے دوران سماجی رابطے کے ذرائع…
مزید پڑھیں » -
کانگریس نے عوامی امتحانات میں پیپر لیک روکنے کے لیے پیش کیے گئے ترمیمی بل پر شدید اعتراض کرتے ہوئے کہا ہے کہ دو ہزار چوبیس میں قانون نافذ ہونے کے باوجود سوالیہ پرچوں کا افشا نہیں رکا، اس لیے نیا بل بھی مؤثر ثابت نہیں ہوگا۔ لوک سبھا میں بحث کا آغاز کرتے ہوئے کانگریس کے نائب قائد گورو گوگوئی نے کہا کہ امتحانی بے ضابطگیوں نے لاکھوں طلبہ کا مستقبل داؤ پر لگا دیا ہے اور حکومت کو طلبہ کے درد کو سمجھنے کی ضرورت ہے۔ انہوں نے کہا کہ نیٹ امتحان میں بے ضابطگیوں کے بعد طلبہ کو سڑکوں پر احتجاج کرنا پڑا، مگر حکومت نے بنیادی وجوہات ختم کرنے کے بجائے صرف قوانین میں تبدیلی کو حل قرار دیا۔ ان کے مطابق دو سال قبل بھی حکومت نے اسی قانون کو تاریخی اقدام قرار دیا تھا، لیکن دو ہزار چھبیس میں دوبارہ پیپر لیک ہونے سے…
مزید پڑھیں » -
حیدرآباد: تنازعات کا شکار آئی پی ایس افسر اے وی رنگاناتھ کی ہٹ دھرمی اور رویے میں عدالت عالیہ کی سخت برہمی کے باوجود کوئی تبدیلی نظر نہیں آرہی۔ ہائیڈرا کے نام پر غریبوں کے مکانات پر بلڈوزر چلا کر سڑک پر لانے والے اس افسر نے تلنگانہ ہائی کورٹ کی جانب سے 63 توہین عدالت کے مقدمات اور شدید برہمی کے باوجود اپنے اقدامات کا دفاع کیا ہے۔ شہر میں جھیلوں اور تالابوں کے تحفظ کے نام پر قائم کردہ ہائیڈرا ایجنسی کے ذریعے غریبوں، بچوں اور عام شہریوں پر بے رحم منہدم کاری کی گئی۔ بغیر کسی پیشگی نوٹس اور قانونی انتباہ کے، چھٹی کے دنوں میں معصوم شہریوں کی چھتیں چھین لی گئیں۔ غریبوں کا آشیانہ تباہ کر کے ان کے منہ کا نوالہ تک چھین لیا گیا، جبکہ بااثر اور سرمایہ دار مافیا کو صرف نوٹس دے کر ہاتھ کھڑے کر دیے گئے۔ عدالت عالیہ نے…
مزید پڑھیں » -
جنتر منتر پر نیٹ پیپر لیک تنازع کے خلاف 20 جولائی کو نکالے گئے سنسد چلو مارچ کے دوران ریپڈ ایکشن فورس اور دہلی پولیس کی جانب سے پلاسٹک پیلٹس اور غیر مہلک شیل فائر کیے جانے کا انکشاف پولیس کے سرکاری ریکارڈ میں ہوا ہے۔ پارلیمنٹ اسٹریٹ تھانے کی جنرل ڈائری کی انٹری کے مطابق اس دن مظاہرین کو کنٹرول کرنے کے لیے مختلف قسم کے ہتھیار استعمال کیے گئے۔ پولیس ریکارڈ کے مطابق ڈی سی پی رینک کے افسر کی ہدایات پر آر اے ایف کے اہلکاروں نے 55 غیر مہلک شیل، 15 الیکٹریکل شیل، 5 آنسو گیس کے گرینیڈ، اینٹی رائٹ گنز کے دو راؤنڈز اور پلاسٹک پیلٹس کے دو راؤنڈز فائر کیے۔ حکام کا کہنا ہے کہ پلاسٹک پیلٹ کا ایک راؤنڈ چار ٹکڑوں پر مشتمل ہوتا ہے اور یہ دھاتی پیلٹس سے بالکل مختلف ہوتے ہیں جو جسم کو چھیدتے نہیں اور زیادہ نقصان نہیں…
مزید پڑھیں » -
کاکروچ جنتا پارٹی نے حکومت سے مطالبہ کیا ہے کہ احتجاجی مظاہروں کے دوران درج کیے گئے مقدمات واپس لینے اور آئندہ کسی بھی مظاہرین یا منتظم کے خلاف کارروائی نہ کرنے کی تحریری یقین دہانی فوری طور پر دی جائے، بصورت دیگر تنظیم دوبارہ احتجاج شروع کرنے پر مجبور ہوگی۔ تنظیم کے قومی ترجمان آشوتوش رانکا نے پریس کانفرنس میں بتایا کہ جنتر منتر پر جاری 36 روزہ احتجاج ختم کرنے سے قبل حکومت کے ساتھ ہونے والے تیسرے دور کے مذاکرات میں اس معاملے پر اتفاق ہوا تھا۔ ان کے مطابق ملک بھر میں مظاہرین اور منتظمین کے خلاف درج تمام مقدمات واپس لینے اور مستقبل میں نئے مقدمات درج نہ کرنے کی یقین دہانی کرائی گئی تھی۔ انہوں نے کہا کہ تنظیم نے مجوزہ معاہدے کا مسودہ مرکزی وزرا کو پیش کیا تھا اور قانونی مشاورت کے بعد حکومت نے تحریری معاہدہ فراہم کرنے کا وعدہ کیا…
مزید پڑھیں » -
تلنگانہ ہائی کورٹ نے ایک اہم فیصلے میں حائیڈرا کمشنر اے وی رنگناتھ کو عہدے سے ہٹانے کی ہدایت جاری کرتے ہوئے چیف سیکریٹری کو فوری طور پر کسی اہل افسر کی تقرری کا حکم دیا ہے۔ عدالت نے کہا کہ بار بار عدالتی احکامات کی خلاف ورزی ناقابل قبول ہے اور قانون کی بالادستی ہر صورت برقرار رہنی چاہیے۔ عدالت نے سماعت کے دوران 63 توہینِ عدالت کے مقدمات پر سخت برہمی کا اظہار کیا۔ عدالت کا کہنا تھا کہ اگر مسلسل عدالتی احکامات نظر انداز کرنے والے افسر کو عہدے پر برقرار رکھا گیا تو قانون کی حکمرانی متاثر ہوگی۔ عدالت نے رنگناتھ کی جگہ انسپکٹر جنرل درجے کے افسر کی تقرری کی بھی سفارش کی۔ عدالت نے یاد دلایا کہ ماضی میں بھی رنگناتھ کو اپنے طرزِ عمل میں تبدیلی لانے کی کئی بار ہدایت دی جا چکی ہے، لیکن اس کے باوجود عدالتی احکامات پر مکمل…
مزید پڑھیں » -
مرکزی وزیر تعلیم دھرمیندر پردھان کی وزارتِ تعلیم کا پانچ سالہ دور متعدد تعلیمی اصلاحات، نئی پالیسیوں اور مختلف چیلنجز سے بھرپور رہا۔ حالیہ سیاسی پیش رفت کے بعد ان کی کارکردگی ایک بار پھر بحث کا موضوع بن گئی ہے۔ دھرمیندر پردھان نے وزارت سنبھالنے کے بعد قومی تعلیمی پالیسی 2020 پر عمل درآمد کو تیز کیا۔ ان کے دور میں قومی نصابی خاکہ، لچکدار تعلیمی نظام، کثیر شعبہ جاتی تعلیم اور اعلیٰ تعلیم میں کئی نئی اصلاحات متعارف کرائی گئیں۔ اسکولی تعلیم میں بھی اساتذہ کی تربیت، تین زبانوں کا فارمولہ اور سرکاری اسکولوں کی بہتری کے لیے مختلف منصوبے شروع کیے گئے۔ وزارت کی جانب سے بارہا اس بات پر زور دیا گیا کہ تعلیمی اداروں میں کارکردگی، جوابدہی اور ہنر پر مبنی تعلیم کو فروغ دیا جائے، تاکہ نوجوانوں کو روزگار کے بہتر مواقع میسر آ سکیں۔ حکومت نے تعلیمی نظام کو جدید تقاضوں سے ہم…
مزید پڑھیں » -
دہلی میں طلبہ پر مبینہ لاٹھی چارج کے خلاف کانگریس کی جانب سے حیدرآباد میں نکالی گئی شمع بردار ریلی کے بعد اب احتجاج سے زیادہ اس ریلی میں استعمال ہونے والا بینر سیاسی بحث کا موضوع بن گیا ہے۔ اطلاعات کے مطابق ریلی کے دوران لگائے گئے بڑے بینر پر صرف وزیر اعلیٰ ریونت ریڈی کی تصویر نمایاں تھی، جبکہ راہول گاندھی، ملکارجن کھرگے اور پرینکا گاندھی سمیت کانگریس کی مرکزی قیادت کی تصاویر شامل نہیں تھیں۔ اس معاملے پر پارٹی کے اندر مختلف سوالات اٹھائے جا رہے ہیں۔ پارٹی ذرائع کے مطابق کانگریس کے قومی پروگراموں میں عموماً مرکزی قیادت کی تصاویر کو اہمیت دی جاتی ہے، لیکن اس بار ایسا نہ ہونے پر کئی رہنماؤں نے حیرت کا اظہار کیا۔ بعض حلقوں کا کہنا ہے کہ اس بینر میں پارٹی کے بجائے ذاتی تشہیر کو زیادہ اہمیت دی گئی، جس سے مختلف سیاسی قیاس آرائیاں جنم لے…
مزید پڑھیں » -
آسام میں مسلسل مون سون کی موسلا دھار بارشوں کے باعث سیلاب کی صورتحال بدستور سنگین ہے۔ سرکاری حکام کے مطابق ریاست میں ہلاکتوں کی تعداد 47 ہو گئی ہے، جبکہ سات لاکھ اکیس ہزار سے زائد افراد 11 اضلاع میں سیلاب سے متاثر ہیں۔ وزیر اعلیٰ ہمانتا بسوا سرما نے بتایا کہ اب بھی 40 افراد لاپتا ہیں، جس کے باعث ہلاکتوں میں مزید اضافے کا خدشہ ہے۔ وزیر اعلیٰ نے کہا کہ اگرچہ بعض علاقوں میں پانی کی سطح میں معمولی کمی آئی ہے، تاہم متاثرہ علاقوں کے تقریباً 20 فیصد افراد تک امدادی ٹیمیں ابھی تک نہیں پہنچ سکیں۔ انہوں نے امید ظاہر کی کہ جلد تمام متاثرین تک امداد پہنچا دی جائے گی۔ حکومت نے صورتحال کا جائزہ لینے کے لیے ضلعی حکام اور سینئر افسران کے ساتھ ویڈیو اجلاس طلب کیا ہے، تاکہ امدادی اور بچاؤ کارروائیوں کو مزید مؤثر بنایا جا سکے۔ انہوں نے…
مزید پڑھیں » -
دہلی میں جاری طلبہ کے احتجاج سے اظہارِ یکجہتی کے لیے بی آر ایس کی طلبہ تنظیم نے حیدرآباد کے اندرا پارک میں بڑے احتجاج کا انعقاد کیا۔ اس موقع پر بی آر ایس کے ورکنگ صدر کے ٹی آر بھی شریک ہوئے اور طلبہ کے ساتھ مکمل یکجہتی کا اظہار کیا۔ کے ٹی آر نے اپنے پچاسویں یومِ پیدائش کی تمام تقریبات منسوخ کر دیں اور سیاہ لباس پہن کر احتجاج میں شرکت کی۔ ان کا کہنا تھا کہ نوجوانوں، طلبہ اور بے روزگار افراد کے مسائل کو نظر انداز نہیں کیا جا سکتا اور ان کے حقوق کے لیے آواز بلند کرنا ہر ذمہ دار سیاسی جماعت کی ذمہ داری ہے۔ احتجاج میں بڑی تعداد میں طلبہ اور نوجوان شریک ہوئے۔ مظاہرین نے امتحانی بے ضابطگیوں، پرچہ لیک، بے روزگاری اور نوجوانوں سے کیے گئے وعدوں کو پورا نہ کرنے پر حکومتوں کے خلاف نعرے بازی کی۔ اس…
مزید پڑھیں »