عراق کے وزیر اعظم اور مسلح افواج کے سربراہ علی فالح الزیدی نے واضح کیا ہے کہ عراق اپنی سرزمین یا فضائی حدود کو ہمسایہ ممالک کے خلاف کسی بھی حملے کے لیے استعمال ہونے کی اجازت نہیں دے گا۔ ان کا کہنا تھا کہ ملک کی خودمختاری، سلامتی اور فضائی حدود کا تحفظ حکومت کی اولین ترجیح ہے۔
وزیر اعظم نے بدھ کی شب بغداد میں فضائی دفاع کے آپریشنز مرکز کا دورہ کیا، جہاں انہوں نے دفاعی نظام کی تیاری اور صلاحیتوں کا جائزہ لیا۔ حکام نے انہیں فضائی نگرانی، ریڈار نظام، ہتھیاروں اور کمانڈ کے شعبوں کو مزید مضبوط بنانے کے منصوبوں پر بریفنگ دی۔
الزیدی نے کہا کہ عراق کو اپنی دفاعی صلاحیتوں میں اضافہ کرنا ہوگا تاکہ وہ آزادانہ سیاسی اور فوجی فیصلے کرنے کے قابل رہے۔ انہوں نے اس بات پر بھی زور دیا کہ عراق خطے میں امن و استحکام کے لیے اپنا کردار ادا کرے گا، تاہم اس کی فضائی حدود کی خلاف ورزی برداشت نہیں کی جائے گی۔
اتحادی افواج کے انخلا کی تیاری
سعودی عرب کا دورہ
دوسری جانب عراقی اعلیٰ سطحی سکیورٹی وفد جمعرات کو سعودی عرب پہنچے گا۔ وفد بغداد اور ریاض کے درمیان سکیورٹی تعاون، علاقائی صورتحال اور سعودی عرب کو درپیش حملوں سے متعلق امور پر بات چیت کرے گا۔ وفد میں فضائی دفاع، خفیہ اداروں اور انسداد دہشت گردی کے اعلیٰ حکام شامل ہیں۔
