وٹامن بی 12 جسم کے لیے انتہائی اہم غذائی جزو ہے جو اعصابی نظام، خون کے سرخ خلیوں، دماغی کارکردگی اور توانائی کو برقرار رکھنے میں اہم کردار ادا کرتا ہے۔ اس کی کمی دنیا بھر میں پائی جانے والی عام غذائی کمی میں شامل ہے۔
یہ وٹامن جسم میں خوراک کو توانائی میں تبدیل کرنے کے عمل میں مدد دیتا ہے، اسی لیے اس کی کمی کی صورت میں تھکن، کمزوری اور سستی محسوس ہوسکتی ہے۔ بعض افراد میں چڑچڑاپن، بے چینی اور اداسی جیسی علامات بھی دیکھی جاسکتی ہیں۔
دل اور دماغ کے لیے اہم
وٹامن بی 12 خون میں موجود ایک خاص مادے کی مقدار کو متوازن رکھنے میں مدد دیتا ہے، جس کا تعلق دل اور خون کی نالیوں کی صحت سے ہے۔ یہ دماغی کارکردگی، یادداشت اور سوچنے کی صلاحیت کے لیے بھی ضروری ہے۔ شدید کمی اعصابی مسائل کا سبب بن سکتی ہے۔
یہ وٹامن نظامِ ہاضمہ، جلد، بالوں اور ناخنوں کی صحت میں بھی کردار ادا کرتا ہے۔ جسم میں خلیوں کی مناسب افزائش اور اعصابی ریشوں کی حفاظت کے لیے بھی اس کی ضرورت ہوتی ہے۔
نیند اور اعصاب پر بھی اثر
شدید کمی کی صورت میں خون کی کمی، یادداشت میں کمی اور اعصابی کمزوری جیسے مسائل پیدا ہوسکتے ہیں۔ حاملہ خواتین میں مناسب مقدار خاص طور پر اہم ہے۔
کن غذاؤں سے ملتا ہے؟
وٹامن بی 12 کے اچھے ذرائع میں مچھلی، جھینگا، سیپی، کیکڑا اور دیگر سمندری غذائیں شامل ہیں۔ متوازن اور غذائیت سے بھرپور خوراک اس کی کمی سے بچاؤ میں مدد دیتی ہے۔
اگر مسلسل تھکن، کمزوری یا چڑچڑاپن محسوس ہو تو خود سے سپلیمنٹ لینے کے بجائے ڈاکٹر سے مشورہ اور ضرورت پڑنے پر خون کا معائنہ کرانا بہتر ہے۔
