تلنگانہ
تلنگانہ کی اہم خبریں — حیدرآباد سے ریاست بھر تک سیاست، سرکاری اسکیمیں، نوکریاں، موسم، حادثات اور عوامی مفاد کی فوری اپ ڈیٹس صرف وقارِ ہند پر۔
-
سڈنی کے بانڈی بیچ پر یہودی تہوار کے دوران ہونے والی خوفناک فائرنگ کے معاملے میں حیدرآباد سے ایک مشتبہ تعلق سامنے آیا ہے۔ اس واقعے میں ۱۵ افراد ہلاک ہوئے، جسے آسٹریلوی حکام نے دہشت گردانہ حملہ قرار دیا ہے۔ تفصیلات کے مطابق ۱۴ دسمبر کو سڈنی کے ساحلی علاقے میں منعقدہ ایک عوامی تقریب کے دوران اندھا دھند فائرنگ کی گئی۔ تفتیش کے دوران معلوم ہوا کہ ایک ملزم ساجد اکرم (عمر ۵۰ برس) کا تعلق حیدرآباد سے ہے۔ ساجد نے حیدرآباد میں بی کام کی تعلیم مکمل کی اور ۱۹۹۸ میں روزگار کی تلاش میں آسٹریلیا منتقل ہوا۔ ساجد اکرم نے بعد میں یورپی نژاد خاتون سے شادی کی اور وہیں مستقل طور پر آباد ہو گیا۔ اس کے پاس بھارتی پاسپورٹ موجود ہے۔ اس کا بیٹا نوید اکرم (عمر ۲۴ برس) جو اس واقعے میں دوسرا ملزم بتایا جا رہا ہے، وہیں پیدا ہوا اور آسٹریلوی…
مزید پڑھیں » -
تلنگانہ میں گرام پنچایت انتخابات کے دوسرے مرحلے کی ووٹنگ اتوار کو شروع ہو گئی، جو ریاست کے 193 منڈلوں میں جاری ہے۔ اس مرحلے میں 3,911 سرپنچ اور 29,917 وارڈ ممبر کے عہدوں کے لیے انتخابات منعقد کیے جا رہے ہیں۔ ریاست بھر میں 38,337 پولنگ اسٹیشنوں پر رائے دہی کا عمل چل رہا ہے۔ الیکشن کمیشن کے مطابق سرپنچ عہدوں کے لیے 12,782 امیدوار میدان میں ہیں، جبکہ وارڈ ممبر کے لیے 71,071 امیدوار قسمت آزمائی کر رہے ہیں۔ اس مرحلے میں 57,22,465 ووٹرز اپنے حق رائے دہی کا استعمال کرنے کے اہل ہیں۔ ووٹنگ کا عمل دوپہر ایک بجے تک جاری رہے گا، جس کے بعد دو بجے سے ووٹوں کی گنتی شروع کی جائے گی اور نتائج کا اعلان کیا جائے گا۔ الیکشن شیڈول کے مطابق نتائج کے بعد وارڈ ممبران کی میٹنگ منعقد ہوگی، جس میں ڈپٹی سرپنچ کا انتخاب کیا جائے گا۔ دوسرے مرحلے…
مزید پڑھیں » -
عالمی شہرت یافتہ فٹبال لیجنڈ لیونل میسی نے کولکاتا کے بعد حیدرآباد میں بھی شائقین کے دل جیت لیے۔ راجیو گاندھی انٹرنیشنل اسٹیڈیم، اپّل شائقین سے کھچا کھچ بھرا رہا، جہاں ہزاروں افراد اپنے پسندیدہ کھلاڑی کی ایک جھلک دیکھنے کے لیے موجود تھے۔ اس موقع پر فضا مسلسل میسی، میسی کے نعروں سے گونجتی رہی۔ دوستانہ میچ کے دوران لیونل میسی نے تلنگانہ کے وزیراعلیٰ ریونت ریڈی کے ساتھ میدان میں کھیل کر شائقین کو خوشگوار حیرت میں ڈال دیا۔ وزیراعلیٰ نے اپنی مہارت کا مظاہرہ کرتے ہوئے اپنی ٹیم کے لیے ایک شاندار گول بھی کیا۔ میسی نے گیند کو مہارت سے کنٹرول کرتے ہوئے وزیراعلیٰ کو پاس دیے اور دونوں کے درمیان چند لمحوں تک شاندار کھیل دیکھنے کو ملا۔ میچ کے بعد میسی اور ریونت ریڈی نے تصاویر بنوائیں، جبکہ اپوزیشن لیڈر راہل گاندھی بھی اس تاریخی لمحے کے گواہ بنے۔ میسی نے شائقین کی جانب…
مزید پڑھیں » -
عالمی شہرت یافتہ فٹبال اسٹار لیونل میسی حیدرآباد پہنچ گئے ہیں۔ وہ خصوصی طیارے کے ذریعے شمس آباد ہوائی اڈے پر اترے، جہاں سے وہ سڑک کے راستے فلک نما پیلس روانہ ہوئے۔ میسی کی آمد کے پیش نظر فلک نما پیلس کے اطراف سخت حفاظتی انتظامات کیے گئے ہیں۔ میسی کے دورۂ حیدرآباد کے موقع پر میٹ اینڈ گریٹ پروگرام بھی رکھا گیا ہے، جس میں صرف سو خوش نصیب افراد کو میسی سے ملاقات کا موقع دیا گیا ہے۔ ان افراد کو خصوصی کیو آر کوڈ فراہم کیے گئے ہیں تاکہ سیکیورٹی میں کسی قسم کی کوتاہی نہ ہو۔ ادھر کولکاتا میں پیش آئے واقعات کے بعد حیدرآباد پولیس مزید چوکس ہو گئی ہے۔ کولکاتا کے سالٹ لیک اسٹیڈیم میں شائقین کے ہنگامے کے بعد اپّل اسٹیڈیم میں سیکیورٹی مزید سخت کر دی گئی ہے۔ اپّل اسٹیڈیم اور اطراف میں تین ہزار پولیس اہلکار تعینات کیے گئے ہیں۔…
مزید پڑھیں » -
حیدرآباد میں ایک ہی دن کے دوران فوڈ پوائزننگ کے دو الگ الگ واقعات پیش آنے سے اسکولی بچوں کی صحت اور غذائی تحفظ پر سنگین سوالات کھڑے ہو گئے ہیں۔ ان واقعات میں مجموعی طور پر 60 طلبہ بیمار پڑ گئے، جن میں سے چند کی حالت تشویشناک ہونے پر انہیں نجی اسپتال منتقل کیا گیا۔ پہلا واقعہ منڈل پریشد پرائمری اسکول، چندرا نائیک ٹھنڈا، مادھا پور میں پیش آیا، جہاں 102 طلبہ کو دوپہر کا کھانا فراہم کیا گیا۔ یہ کھانا ایک غیر سرکاری تنظیم کے ذریعے دیا گیا تھا، جس میں میٹھے کے طور پر سیویاں کی کھیر بھی شامل تھی۔ کھانا کھانے کے بعد 44 طلبہ کو الٹی اور متلی کی شکایت ہوئی۔ دوپہر تقریباً تین بجے تمام متاثرہ طلبہ کو فوری طور پر کونڈاپور سرکاری اسپتال منتقل کیا گیا، جہاں ابتدائی علاج کے بعد چھ طلبہ کو بہتر علاج کے لیے گچی باؤلی کے ایک…
مزید پڑھیں » -
تلنگانہ میں گرام پنچایت انتخابات کے پہلے مرحلے میں حکمران کانگریس نے شاندار کامیابی حاصل کرتے ہوئے کل ۴,۲۳۶ سرپنچ عہدوں میں سے ۲,۳۱۹ نشستیں اپنے نام کرلیں۔ ان میں کئی امیدوار بلامقابلہ منتخب ہوئے۔ اگرچہ یہ انتخابات غیر جماعتی بنیادوں پر کرائے گئے تھے، لیکن نتائج نے واضح کیا کہ کانگریس حمایت یافتہ امیدواروں نے بیشتر دیہات میں فیصلہ کن برتری حاصل کی۔ بی آر ایس نے ۱,۱۵۹ نشستیں جیت کر دوسرا مقام حاصل کیا، جبکہ بی جے پی صرف ۱۸۸ نشستوں تک محدود رہی۔ آزاد امیدواروں نے ۵۳۴ عہدے حاصل کیے۔ ریاستی الیکشن کمیشن کے مطابق ریکارڈ ۸۴.۲۸ فی صد پولنگ ہوئی۔ ووٹنگ صبح سات بجے شروع ہوکر دوپہر ایک بجے ختم ہوئی۔ پہلے مرحلے میں ۳۱ اضلاع کے ۳,۸۳۴ سرپنچ اور ۲۷,۶۲۸ وارڈ ممبر عہدوں کیلئے ووٹ ڈالے گئے۔ کانگریس کو نالگنڈہ، کھمم، میدک، یادادری بھونگیر، ورنگل، عادل آباد، کریم نگر، کاماریڈی، جگتیال، ویکار آباد، منچریال سمیت…
مزید پڑھیں » -
تلنگانہ میں گرام پنچایت انتخابات کے پہلے مرحلے نے غیر متوقع نتائج سامنے لائے، جن میں بی آر ایس نے کئی اہم اور حساس دیہات میں بڑھت حاصل کی، جبکہ کانگریس کے کئی بڑے لیڈروں کو اپنے آبائی علاقوں میں بھاری جھٹکا لگا۔ کچھ مقامات پر نتیجے کا فیصلہ سکہ اُچھال کر کیا گیا۔ وزیراعلیٰ ریونت ریڈی کے حلقہ کوڈنگل کے کئی دیہات پولپلی، روٹی بندہ تھنڈا، لاگچرلہ اور حکیم پیٹ جہاں زمین کے حصول کے خلاف احتجاج ہوا تھا، وہاں مقامی عوام نے بی آر ایس حمایت یافتہ امیدواروں کو منتخب کیا۔ پولپلی میں راغویندر سرپنچ منتخب ہوئے، جبکہ روٹی بندہ تھنڈا میں رکّماں نے کامیابی حاصل کی۔ انتخابی ماحول اس وقت تناؤ کا شکار ہو گیا جب کانگریس حمایت یافتہ امیدوار تلگو لکشمی نے شکست کے بعد خودکشی کی کوشش کی۔ انہیں فوری طور پر اسپتال منتقل کیا گیا۔ سب سے دل چسپ خبر سوریاپیٹ ضلع سے آئی،…
مزید پڑھیں » -
وزیراعلیٰ ریونت ریڈی نے کہا ہے کہ حیدرآباد کے اسٹارٹ اپس کو ملک کی ترقی میں کلیدی کردار ادا کرنا ہوگا۔ انہوں نے اسٹارٹ اپ بانیوں سے اپیل کی کہ وہ حکومت کے 1000 کروڑ روپے کے اسٹارٹ اپ فنڈ کا بھرپور فائدہ اٹھائیں۔ ان کا کہنا تھا کہ حیدرآباد کے کم از کم 100 اسٹارٹ اپس کو 2034 تک یونی کارن بننا چاہیے، جن میں 10 کو سپر یونی کارن کی سطح تک پہنچنا ہوگا۔ وزیراعلیٰ نے ٹی ہب میں نئے گوگل فار اسٹارٹ اپس ہب کے آغاز کے موقع پر خطاب کرتے ہوئے کہا کہ ریاست کا مقصد یہ ہے کہ حیدرآباد نہ صرف اسٹارٹ اپس کا مرکز بنے بلکہ یونی کارن دارالحکومت بھی کہلائے۔ انہوں نے کہا کہ حکومت اور گوگل مل کر ریاست میں مضبوط اسٹارٹ اپ ماحول تیار کر رہے ہیں۔ ریونت ریڈی نے بتایا کہ گوگل ہب کے ذریعے منتخب اسٹارٹ اپس کو سال…
مزید پڑھیں » -
تلنگانہ اسٹیٹ روڈ ٹرانسپورٹ کارپوریشن (ٹی جی ایس آر ٹی سی) نے شہر کے تیزی سے پھیلتے علاقوں کیلئے حیدرآباد کنیکٹ کے نام سے نئی بس سروس کا بڑا منصوبہ شروع کردیا ہے۔ اس منصوبے کے تحت ۳۷۳ ابھرتی ہوئی کالونیوں کو بس نیٹ ورک سے جوڑا جائے گا۔ یہ فیصلہ حالیہ جائزہ میٹنگ میں کیا گیا، جس کی صدارت وائس چیئرمین و منیجنگ ڈائریکٹر وی ناگی ریڈی نے کی۔ اس سے پہلے ۳۰ سرکلز اور ۱۵۰ وارڈز میں ٹرانسپورٹ سروے مکمل کیے گئے تھے۔ حکام کے مطابق اس اقدام سے تقریباً ۷.۶۱ لاکھ افراد کو فائدہ پہنچے گا۔ روزگار مراکز کیلئے براہِ راست بسیں منصوبے کے تحت نئی کالونیوں سے آئی ٹی کاریڈور، گچی باولی، فنانشل ڈسٹرکٹ، اُپّل اور دیگر روزگار مراکز تک براہِ راست سروسز فراہم کی جائیں گی، جس سے ملازمین اور طلبہ کا وقت اور خرچ دونوں کم ہوں گے۔ وزیر ٹرانسپورٹ پونم پربھاکر نے کہا…
مزید پڑھیں » -
تلنگانہ حکومت نے عثمانیہ یونیورسٹی کی ترقی کیلئے 1,000کروڑ روپے کی تاریخی منظوری دے دی۔ وزیر اعلیٰ ریونت ریڈی نے طلبہ سے خطاب کرتے ہوئے کہا کہ حکومت کا مقصد یونیورسٹی کی کھوئی ہوئی شان واپس لانا اور اسے بین الاقوامی معیار کا تعلیمی ادارہ بنانا ہے۔ وزیر اعلیٰ نے ایک خصوصی کیو آر کوڈ بھی جاری کیا جس کے ذریعے طلبہ یونیورسٹی کے ماسٹر پلان اور ڈیزائن پر اپنی تجاویز بھیج سکیں گے۔ریونت ریڈی نے تعلیم کی اہمیت پر زور دیتے ہوئے کہا کہ اصل طاقت علم اور محنت میں ہے، نہ کہ صرف زبانیں بولنے میں۔ انہوں نے کہا کہ انگریزی صرف رابطے کا ذریعہ ہے، علم نہیں۔ ریونت ریڈی نے سابق حکومت پر سخت تنقید کی اور کہا کہ بی آر ایس نے دس سالہ دور حکومت میں عثمانیہ یونیورسٹی کی ترقی کو جان بوجھ کر نظرانداز کیا۔ انہوں نے الزام لگایا کہ پچھلی حکومت نے سینکڑوں…
مزید پڑھیں »